Thu, 17 August 2017
Your Visitor Number :-   1074410
SuhisaverSuhisaver Suhisaver
ਗੋਰਖਪੁਰ ਦੁਖਾਂਤ; ਨਿਆਂਇਕ ਜਾਂਚ ਦੀ ਮੰਗ ਨੂੰ ਲੈ ਕੇ ਪਟੀਸ਼ਨ ਦਾਇਰ               ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਵੱਲੋਂ ਮਾਣਿਕ ਸਰਕਾਰ ਦਾ ਅਜ਼ਾਦੀ ਦਿਵਸ ਭਾਸ਼ਣ ਪ੍ਰਸਾਰਿਤ ਕਰਨ ਤੋਂ ਇਨਕਾਰ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਪੁਸਤਕ: ਪੰਜਾਬੀ ਬਾਲ ਸਾਹਿਤ ਤੇ ਬਲਜਿੰਦਰ ਮਾਨ (ਸਿਰਜਣਾ ਤੇ ਸ਼ਖ਼ਸੀਅਤ)

Posted on:- 10-07-2017

suhisaver

ਰੀਵਿਊਕਾਰ : ਡਾ.ਧਰਮਪਾਲ ਸਾਹਿਲ   
ਸੰਪਾਦਕ: ਪ੍ਰੋ.ਜੇ.ਬੀ.ਸੇਖੋਂ, ਕਮਲਜੀਤ ਨੀਲੋ
ਪ੍ਰਕਾਸ਼ਕ: ਲੋਕਗੀਤ ਪ੍ਰਕਾਸ਼ਨ ਮੁਹਾਲੀ ਪੰਨੇ :148, ਮੁੱਲ:295 /-


ਪੰਜਾਬ ਵਿਚ ਪੰਜਾਬੀ ਭਾਸ਼ਾ ਰਾਹੀਂ ਬਾਲ ਸਾਹਿਤ ਸਿਰਜਣਾ ਉਸਦੇ ਪ੍ਰਚਾਰ ਪ੍ਰਸਾਰ ਅਤੇ ਪ੍ਰਫੁੱਲਤਾ ਲਈ ਕਿਸੇ ਨਿਸ਼ਕਾਮ ਯੋਗੀ ਵਾਂਗ ਤਪਲੀਨ ਬਲਜਿੰਦਰ ਮਾਨ ਕਿਸੇ ਜਾਣ ਪਛਾਣ ਦਾ ਮੁਥਾਜ ਨਹੀਂ ਹੈ।ਪੰਜਾਬ ਵਿਚੋਂ ਬਾਲ ਸਾਹਿਤ ਲਈ ਉੰਗਲਾਂ ਤੇ ਗਿਣੇ ਜਾਣ ਜੋਗੇ ਸਮਰਪਤ ਲੇਖਕਾਂ ਅਤੇ ਸੰਪਾਦਕਾਂ ਵਿੱਚੋਂ ਬਲਜਿੰਦਰ ਮਾਨ ਪ੍ਰਮੁੱਖ ਹੈ।ਇਸ ਮਾਣਮੱਤੀ ਸ਼ਖਸੀਅਤ ਨੇ ਨਾ ਸਿਰਫ ਉੱਚ ਕੋਟੀ ਦਾ ਬਾਲ ਸਾਹਿਤ ਪੰਜਾਬੀ ਹਿੰਦੀ ਦੀ ਝੋਲੀ ਪਾਇਆ ਹੈ ਸਗੋਂ ਬੀਤੇ 22-23 ਵਰਿਆਂ ਤੋਂ ਨਿਰੰਤਰ ਬਾਲ ਸਹਿਤ ਰਸਾਲੇ ਨਿੱਕੀਆਂ ਕਰੂੰਬਲਾਂ ਦੀ ਸਫਲ ਸੰਪਾਦਨਾ ਕਰਕੇ ਇਕ ਰਿਕਾਰਡ ਕਾਇਮ ਕੀਤਾ ਹੈ ਜਦੋਂ ਕਿ ਪੰਜਾਬੀ ਦੇ ਕਈ ਸਿਰਕੱਢ ਰਸਾਲੇ ਜਾਂ ਤਾਂ ਵਿਚਾਲੇ ਦਮ ਤੋੜ ਗਏ ਜਾਂ ਕਈ ਆਖਰੀ ਸਾਹਾਂ ਤੇ ਆਪਣੇ ਦਿਨ ਗਿਣ ਰਹੇ ਹਨ।ਸੰਪਾਦਨਾ ਦੇ ਇਸ ਅੋਖੇ ਕਾਰਜ ਦੀ ਅਲਖ ਜਗਾਈ ਰਖਣਾ ਬਲਜਿੰਦਰ ਮਾਨ ਵਰਗੇ ਸਿਰੜੀ ਸ਼ਖਸ ਦੇ ਹੀ ਵੱਸ ਦੀ ਗੱਲ ਹੈ, ਉਹ ਵੀ ਬਿਨਾ ਕਿਸੇ ਸਰਕਾਰੀ ਸਹਾਇਤਾ ਦੇ।

ਅੱਗੇ ਪੜੋ

ਪਾਕਿਸਤਾਨੀ ਸ਼ਿਵ ਕੁਮਾਰ ਦੀ ਕਿਤਾਬ ਦਾ ਸਵਾਗਤ ਹੈ

Posted on:- 08-06-2017

suhisaver

- ਗੁਰਭਜਨ ਗਿੱਲ

ਲੱਗਭੱਗ ਵੀਹ ਸਾਲ ਪਹਿਲਾਂ ਪੱਤਰਕਾਰਾਂ  ਦੇ ਇੱਕ ਜਥੇ ਚ ਅਫ਼ਜਲ ਸਾਹਿਰ ਲੁਧਿਆਣੇ ਆਇਆ ਸੀ। ਪੂਰੇ ਕਰੰਟ ਵਾਲਾ ਪੰਜਾਬੀ ਕਵੀ। ਬੋਲਦਾ ਤਾਂ ਚੰਗਿਆੜੇ ਨਿਕਲਦੇ ਪ੍ਰਤੀਤ ਹੁੰਦੇ।  ਨਿਰੀ ਅਗਨ। ਲੋਕ ਓਧਰ ਉਸ ਨੂੰ ਸ਼ਿਵ ਕੁਮਾਰ ਕਹਿਣ ਲੱਗ ਪਏ ਸਨ। ਲੋਕ ਅੰਦਾਜ਼ ਦੀ ਕਵਿਤਾ ਕਰਕੇ। 2003 ’ਚ ਲਾਹੌਰ ’ਚ ਹੋਈ ਵਿਸ਼ਵ ਪੰਜਾਬੀ ਕਾਨਫਰੰਸ ਚ ਅਸੀਂ ਗਏ ਤਾਂ ਅਫ਼ਜ਼ਲ ਸਾਹਿਰ ਧਾਹ ਗਲਵੱਕੜੀ ਪਾ ਕੇ ਮਿਲਿਆ। ਨਾਲ ਜ਼ੋਇਆ ਸੀ। ਕਹਾਣੀਕਾਰ। ਦੋਵੇਂ ਇੱਕ ਦੂਜੇ ਦੇ ਪਰਛਾਵੇਂ।

ਕਾਨਫਰੰਸ ਪ੍ਰਬੰਧਕਾਂ ਨਾਲ ਤਾਂ ਘੁੱਟੇ ਵੱਟੇ ਲੱਗਦੇ ਸਨ ਪਰ ਸਾਡੇ ਨਾਲ ਪੁਰਾਣੀ ਵਾਕਫ਼ੀ ਕਾਰਨ ਘਿਉ ਖਿਚੜੀ ਸਨ। ਅਫ਼ਜ਼ਲ ਹੀ ਮੈਨੂੰ ਤੇ ਸੁਖਦੇਵ ਨੂੰ ਨਜਮ ਹੁਸੈਨ ਸੱਯਦ ਨੂੰ ਮਿਲਾਉਣ ਖਾਤਰ ਨੈਸ਼ਨਲ ਲਾਇਬਰੇਰੀ ਲੈ ਕੇ ਗਿਆ। ਉਹ ਉਥੋਂ ਨਿਕਲ ਚੁੱਕੇ ਸਨ। ਫਿਰ ਉਸ ਬੋਹੜ ਥੱਲੇ ਗਏ ਜਿੱਥੇ ਉਹ ਘਰ ਪਰਤਣੋਂ ਪਹਿਲਾਂ ਘੰਟਾ ਕੁ ਬੈਠਦੇ ਸਨ। ਉਹ ਓਥੇ ਵੀ ਨਾ ਮਿਲੇ। ਫਿਰ ਅਸਾਂ ਸੱਯਦ ਜੀ ਦੇ ਘਰ ਵੱਲ ਚਾਲੇ ਪਾ ਲਏ। ਉਹ ਘਰ ਨਹੀਂ ਸਨ ਪੁੱਜੇ। ਘਰੋਂ ਚਾਹ ਪੀ ਕੇ ਮੈਂ ਉਹ ਧਾਰੀਵਾਲ ਵਾਲੀ ਲੋਈ ਸੱਯਦ ਜੀ ਦੀ ਬੇਗਮ ਨੂੰ ਸੌਂਪੀ ਜੋ ਮੈਂ ਲੁਧਿਆਣਿਓਂ ਲੈ ਕੇ ਗਿਆ ਸਾਂ। ਸੱਯਦ ਸਾਹਿਬ ਕਿਸੇ ਤੋਂ ਕੁਝ ਨਹੀਂ ਲੈਂਦੇ। ਪਰ ਮੈਂ ਤਾਂ ਵਟਾਲੇ ਦੇ ਸਾਕੋਂ ਲੈ ਕੇ ਗਿਆ ਸਾਂ, ਪੂਰੇ ਵਟਾਲੇ ਵੱਲੋਂ, ਆਪਣੇ ਵੱਡੇ ਵਡੇਰੇ ਲਈ। ਜੀਊਂਦੇ ਪੰਜਾਬੀ ਚਿੰਤਕਾਂ ਚੋਂ ਪਰਮੁੱਖ ਨਜਮ ਹੁਸੈਨ ਸੱਯਦ ਲਈ, ਜੋ ਵੰਡ ਵੇਲੇ ਵਟਾਲਿਓਂ ਉੱਜੜ ਕੇ ਗਿਆ ਸੀ, ਮੇਰੇ ਮਾਪਿਆਂ ਵਾਂਗ , ਜੋ ਨਾਰੋਵਾਲ ਤੋਂ ਉੱਜੜ ਕੇ ਰਾਵੀ ਪਾਰ ਆਏ ਸਨ।

ਅੱਗੇ ਪੜੋ

ਪੁਸਤਕ: ਮੀਡੀਆ ਦਾ ਮਾਇਆਜਾਲ

Posted on:- 14-01-2017

suhisaver

ਲੇਖਕ : -ਡਾ. ਭੁਪਿੰਦਰ ਸਿੰਘ ਬੱਤਰਾ,
    -ਵਿਕਰਮ ਸਿੰਘ

ਪ੍ਰਕਾਸ਼ਕ: ਗਰੇਸੀਅਸ ਬੁੱਕਸ, ਪਟਿਆਲਾ
ਸੰਪਰਕ: +91 175 5007643

ਕੀਮਤ: 200/-
ਪੰਨੇ: 171


ਮੀਡੀਆ ਬਾਰੇ ਗੁਰਮੁਖੀ ਲਿਪੀ ਵਿੱਚ ਬਹੁਤ ਘੱਟ ਪੁਸਤਕਾਂ ਉਪਲੱਬਧ ਹਨ। ਡਾ. ਭੁਪਿੰਦਰ ਸਿੰਘ ਬੱਤਰਾ ਅਤੇ ਰਿਸਰਚ ਸਕਾਲਰ ਵਿਕਰਮ ਸਿੰਘ ਦੀ ਪੁਸਤਕ 'ਮੀਡੀਆ ਦਾ ਮਾਇਆਜਾਲ' ਇਸ ਘਾਟ ਨੂੰ ਪੂਰਾ ਕਰਨ ਲਈ ਇੱਕ ਨਿੱਗਰ ਅਤੇ ਸੁਹਿਰਦ ਯਤਨ ਹੈ। ਡਾ. ਬੱਤਰਾ ਮੇਰਾ ਜਮਾਤੀ ਅਤੇ ਜਿਗਰੀ ਯਾਰ ਹੈ। ਵੇਖਣ ਨੂੰ ਉਹ ਜਿੰਨਾ ਸਿੱਧਾ-ਪੱਧਰਾ ਲੱਗਦੈ, ਓਨਾ ਹੀ ਉਹ ਗਹਿਰ-ਗੰਭੀਰ ਅਤੇ ਸਾਗਰ ਵਾਂਗ ਡੂੰਘਾ ਹੈ! ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਵਿੱਚ ਪੱਤਰਕਾਰੀ ਦਾ ਕੋਰਸ ਕਰਦਿਆਂ ਉਸ ਨੇ ਆਪਣੇ ਖੋਜ-ਨਿਬੰਧ 'ਪਟਿਆਲਾ ਦੀ ਖੁੰਬ ਪੱਤਰਕਾਰੀ' ਲਿਖ ਕੇ ਤਹਿਲਕਾ ਮਚਾ ਦਿੱਤਾ ਸੀ। ਸਰਕਾਰੀ ਕੋਟਾ ਲੈ ਕੇ ਬਲੈਕ ਵਿੱਚ ਕਾਗਜ਼ ਵੇਚਣ ਵਾਲੇ ਛੋਟੇ ਅਤੇ ਦਰਮਿਆਨੇ ਅਖ਼ਬਾਰਾਂ ਦੇ ਮਾਲਕ ਉਸ ਦੇ ਵੈਰ ਪੈ ਗਏ ਸਨ। ਉਸ ਨੇ ਨਾਮ-ਧਰੀਕ ਅਖ਼ਬਾਰਾਂ ਦੇ ਮਾਲਕਾਂ ਦਾ ਪਰਦਾਫ਼ਾਸ਼ ਕਰਨ ਲਈ ਵੱਖ-ਵੱਖ ਅਖ਼ਬਾਰਾਂ ਦੇ ਮਾਸਟ-ਹੈੱਡ ਖੋਜ ਪੱਤਰ ਵਿੱਚ ਛਾਪ ਦਿੱਤੇ, ਜਿਨ੍ਹਾਂ ਦਾ ਮੈਟਰ ਇੱਕੋ ਜਿਹਾ ਸੀ। ਖੁੰਬ ਪੱਤਰਕਾਰ, ਉਸ ਦੀ ਖੁੰਬ ਠੱਪਣ ਲਈ ਕੋਈ ਨਾ ਕੋਈ ਬਹਾਨਾ ਲੱਭ ਰਹੇ ਸਨ ਪਰ ਸਬੂਤਾਂ ਸਹਿਤ ਲਿਖੇ ਖੋਜ-ਨਿਬੰਧ ਨੂੰ ਵੰਗਾਰਨ ਲਈ ਉਨ੍ਹਾਂ ਦਾ ਹੌਸਲਾ ਨਾ ਪਿਆ।

'ਮੀਡੀਆ ਦਾ ਮਾਇਆਜਾਲ' ਕਿਤਾਬ ਨੂੰ ਮੈਂ ਬਹੁਤ ਨੀਝ ਅਤੇ ਰੀਝ ਨਾਲ ਪੜ੍ਹਿਆ ਹੈ। ਇਸ ਦੀ ਸ਼ਬਦਾਵਲੀ ਅਤੇ ਪੇਸ਼ਕਾਰੀ ਮੀਡੀਆ ਬਾਰੇ ਪਹਿਲਾਂ ਛਪੀਆਂ ਕਿਤਾਬਾਂ ਤੋਂ ਕਿਤੇ ਉੱਤਮ ਹੈ। ਖ਼ੂਬਸੂਰਤ ਸ਼ਬਦਾਵਲੀ ਦੀਆਂ ਕੁਝ ਉਮਦਾ ਉਦਾਹਰਨਾਂ ਵੇਖੋ :

"ਸਾਲ 2000 ਵਿੱਚ 'ਤਹਲਕਾ' ਨਾਂ ਦੇ ਮੈਗਜ਼ੀਨ ਨੇ ਜਦੋਂ 'ਤਹਲਕਾ ਡਾਟ ਕਾਮ' ਦੀ ਸੂਰਤ ਵਿੱਚ ਪਹਿਲੀ ਵਾਰ ਆਨਲਾਈਨ ਕੰਪਿਊਟਰ ਸਕਰੀਨ ਉੱਤੇ ਆਪਣੀਆਂ ਅੱਖਾਂ ਖੋਲ੍ਹੀਆਂ ਤਾਂ...।"

ਅੱਗੇ ਪੜੋ

ਕਿਤਾਬਾਂ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ