ਕਵੀਆਂ ਵਰਗੇ... - ਹਰਜਿੰਦਰ ਗੁਲਪੁਰ

Posted on:- 23-12-2014

ਬੋਲ ਬਾਲਾ ਹੈ ਚਾਰੇ ਪਾਸੇ,
ਬੰਦੇ ਲਾਈ ਲੱਗਾਂ ਦਾ,
ਲਈਆਂ ਚਿੱਟੀਆਂ ਚੁੰਨੀਆਂ ਦਾ,
ਤੇ ਲਥੀਆਂ ਸਿਰ ਤੋਂ ਪੱਗਾਂ ਦਾ,

ਬਾਬੇ ਨਾਨਕ ਦਾ ਤਾਂ ਆਖਾ,
ਮੰਨਦਾ ਕੋਈ ਵੀ ਦੀਹਦਾ ਨੀ,
ਆਖਾ ਮੰਨਦੇ ਦਿਸਦੇ ਲੋਕੀਂ,
ਚੋਰਾਂ ਯਾਰਾਂ ਠੱਗਾਂ ਦਾ

ਜੰਗਲ ਵਿਚ ਕੁਹਾੜੇ ਚਲਣ,
ਜਹਿਰਾਂ ਘੁਲੀਆਂ ਪਾਣੀ ਵਿਚ,
ਕੋਈ ਫਿਕਰ ਨਾ ਫਾਕਾ ਇਥੇ,
ਲੱਗੀਆਂ ਹੋਈਆਂ ਅੱਗਾਂ ਦਾ

ਪੂਜਾ ਨੂੰ ਹੀ ਕੰਮ ਸਮਝਦੇ,
ਕੰਮ ਨੂੰ ਸਮਝਣ ਪੂਜਾ ਨਾ,
ਚੌਵੀ ਘੰਟੇ ਰੌਲਾ ਪੈਂਦਾ,
ਹਵਨਾਂ ਦੇ ਨਾਲ ਯੱਗਾਂ ਦਾ

ਦਾਰੂ ਸਿੱਕੇ ਦੀ ਮਾਇਆ ਕੋਲ,
ਇਲਮ ਨੂੰ ਗਿਰਵੀ ਰਖ ਦਿੱਤਾ,
ਉਚੀ ਕੁਰਸੀ ਵਾਲੇ ਨੇਤਾ,
ਕਰਦੇ ਕੰਮ ਡਰੱਗਾਂ ਦਾ

ਕਿਰਤ ਦੇ ਉੱਤੇ ਫੱਟਾ ਲਾਇਆ,
ਕਾਰ ਸੇਵਾ ਦਾ "ਸੰਤਾਂ"ਨੇ,
ਐਰੇ ਗੈਰੇ ਦਾ ਕੰਮ ਹੈ ਨੀ,
ਇਹ ਹੈ ਕੰਮ "ਸਲੱਗਾਂ"ਦਾ

ਵਿਰਲੇ ਆਖਣ ਦੇਖ ਕੇ,
ਨਕਸ਼ਾ ਡੂੰਘੇ ਭੋਰੇ ਦਾ,
ਬਾਬੇ ਲੈਂਦੇ ਠੇਕਾ ਭੇਡਾਂ,
ਚਾਰਨ ਦੇ ਲਈ ਵੱਗਾਂ ਦਾ

ਦੁਨੀਆਂ ਦਾਰੀ ਉੱਤੇ ਲਾ ਕੇ,
ਚੇਪੀ ਬੈਠ ਗਏ,
ਰਹਿਣ ਭੁਲੇਖਾ ਦਿੰਦੇ,
ਸਾਬਣ ਜਿਹੀਆਂ ਝੱਗਾਂ ਦਾ

ਅਰਜੀ ਜਦੋਂ ਫੜਾਈਏ,
ਲੋਕਰਾਜ ਦੇ ਰਾਜੇ ਨੂੰ,
ਅਖਾਂ ਵਿਚ ਲਸ਼ਕਾਰਾ ਪੈਂਦਾ,
ਮੁੰਦਰੀ ਵਾਲੇ ਨਗਾਂ ਦਾ

ਮਾੜੇ ਲੇਖਕ ਦੀ ਤਾਂ ਇਥੇ,
ਕੋਈ ਵੀ ਪੁਛ ਪ੍ਰਤੀਤ ਨਹੀਂ,
ਫੇਸ ਬੁੱਕ ਤੇ ਪਿਆ ਝਮੇਲਾ,
ਕਵੀਆਂ ਵਰਗੇ "ਗੱਗਾਂ"ਦਾ

ਸੰਪਰਕ: +91 81465 63065

ਕਵੀਆਂ ਵਰਗੇ... - ਹਰਜਿੰਦਰ ਗੁਲਪੁਰ

Posted on:- 23-12-2014

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ