ਗ਼ਜ਼ਲ - ਆਰ.ਬੀ.ਸੋਹਲ

Posted on:- 03-01-2016

ਪਾ ਕੇ ਦਿਲਬਰ ਦੀ ਇਨਾਇਤ ਮੁਸਕਰਾਵੇ ਜ਼ਿੰਦਗੀ ।
ਮਗਨ ਹੋ ਕੇ ਪਿਆਰ ਦੇ ਫਿਰ ਗੀਤ ਗਾਵੇ ਜ਼ਿੰਦਗੀ ।

ਮੰਜ਼ਿਲਾਂ ’ਤੇ ਪਹੁੰਚ ਜਾਵੇ ਨਫਰਤਾਂ ਨੂੰ ਚੀਰ ਕੇ,
ਰਸਤਿਆਂ ‘ਚੋਂ ਪੁੱਟ ਕੇ ਸੂਲਾਂ ਪਬ ਉਠਾਵੇ ਜ਼ਿੰਦਗੀ ।

ਧਰਤ ਤੇ ਆਕਾਸ਼ ਸਾਰਾ ਅੱਗ ਪਾਣੀ ਤੇ ਹਵਾ,
ਅੱਖੀਆਂ ਵਿਚ ਕੁਲ ਬ੍ਰਹਿਮੰਡ ਨੂੰ ਸਮਾਵੇ ਜ਼ਿੰਦਗੀ ।

ਮੋਮਨਾਂ ਤੋਂ ਦੀਨ ਦੀ ਗਲ ਕਾਫਰਾਂ ਤੋਂ ਕੁਫਰ ਦੀ,
ਆਸ਼ਕਾਂ ਤੋਂ ਇਸ਼ਕ ਦਾ ਹੀ ਯਸ਼ ਲਿਖਾਵੇ ਜ਼ਿੰਦਗੀ ।

ਦਰਦ ਹੰਝੂਆਂ ਤੁਹਮਤਾਂ ਸੰਗ ਇਹ ਸ਼ਿੰਗਾਰੇ ਆਪ ਨੂੰ,
ਉਲਝ ਕੇ ਕੰਡਿਆਂ ‘ਚ ਮਹਿਕਾਂ ਵੀ ਖਿੰਡਾਵੇ ਜ਼ਿੰਦਗੀ ।

ਇਹ ਮਿਲਾਵੇ ਵਿਛੜਿਆਂ ਨੂੰ ਦੂਰ ਆਪਣੇ ਵੀ ਕਰੇ,
ਹਿਜ਼ਰ ਤੇ ਵਸਲਾਂ ਦੇ ਰੰਗਾਂ ਨੂੰ ਵਿਖਾਵੇ ਜ਼ਿੰਦਗੀ ।

ਕਰ ਦਵੇ ਜ਼ਹਿਰਾਂ ਨੂੰ ਅਮ੍ਰਿਤ ਪਿਆਰ ਦੇ ਰੰਗ ਘੋਲ ਕੇ,
ਭਾਲ ਕੇ ਸੁਕਰਾਤ ਜ਼ਹਿਰਾਂ ਵੀ ਪਿਲਾਵੇ ਜ਼ਿੰਦਗੀ ।

ਬੇਬਸਾਂ ਦਾ ਸਿਦਕ ਬਣਦੀ ਹੌਸਲਾ ਮਜ਼ਲੂਮ ਦਾ,
ਆਸ ਦੇ ਦੀਪਕ ਦਿਲਾਂ ਵਿਚ ਹੀ ਜਗਾਵੇ ਜ਼ਿੰਦਗੀ ।

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 03-01-2016

Comments

ਕਾਵਿ-ਸ਼ਾਰ

ਖ਼ਬਰਸਾਰ

ਕਾਵਿ-ਸ਼ਾਰ

ਕਿਤਾਬਾਂ

ਚਿੰਤਨ

ਕਾਤਰਾਂ

ਕਹਾਣੀ

ਐਡਵਰਟਾਈਜ਼ਮੈਂਟ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ