Thu, 15 November 2018
Your Visitor Number :-   1528167
SuhisaverSuhisaver Suhisaver
ਹਰਿਆਣਾ : ਆਈ ਐੱਨ ਐੱਲ ਡੀ 'ਚੋਂ ਕੱਢੇ ਅਜੈ ਚੌਟਾਲਾ               ਇਸਰੋ ਦੀ ਇੱਕ ਹੋਰ ਵੱਡੀ ਪ੍ਰਾਪਤੀ, ਸਫਲਤਾਪੂਰਵਕ ਦਾਗਿਆ ਜੀਸੈੱਟ-29              

ਅਨੁਵਾਦ ਵਿੱਚੋਂ ਗੁਜ਼ਰਦਿਆਂ -ਡਾ. ਵਿਨੋਦ ਕੁਮਾਰ

Posted on:- 15-11-2018

suhisaver

(ਅਨੁਵਾਦਕ ਵੱਲੋਂ ਸਵੈ ਕਥਨ)

ਪੁਸਤਕ ਦੀ ਮਹੱਤਤਾ

ਹਥਲੀ ਪੁਸਤਕ ਦਾ ਇਕ ਇਕ ਵਾਕ ਮਨੁੱਖੀ ਜੀਵਨ ਦੀ ਪ੍ਰਕਿਰਿਆ ਨੂੰ ਸਮਝਣ ਦੀ ਕੋਸ਼ਿਸ਼ ਅਤੇ ਮਨੁੱਖੀ ਸੰਭਾਵਨਾਵਾਂ ਉਪਰ ਕੇਂਦਰਿਤ ਹੈ। ਕਿਤਾਬ ਦੀ ਸ਼ੁਰੂਆਤ ਮਨੁੱਖ ਦੀ ਇਸ ਸ੍ਰਿਸ਼ਟੀ ਵਿੱਚ ਸਥਿਤੀ ਨੂੰ ਮਾਪਣ ਨਾਲ ਸ਼ੁਰੂ ਹੁੰਦੀ ਹੈ। ਥਾਮਸਨ ਤਿੰਨ ਪ੍ਰਸ਼ਨਾਂ ਨੂੰ ਸੰਬੋਧਿਤ ਹੁੰਦਾ ਹੈ। ਮਨੁੱਖੀ ਜੀਵਨ ਦੀ ਇਸ ਸ੍ਰਿਸ਼ਟੀ ਵਿਚ ਸਿਰਜਣਾ ਕਿਵੇਂ ਹੁੰਦੀ ਹੈ? ਇਸਦਾ ਕੁਦਰਤ ਨਾਲ ਕੀ ਰਿਸ਼ਤਾ ਹੈ? ਅਤੇ ਜੀਵਨ ਤੇ ਚੇਤਨਾ ਕਿਵੇਂ ਪ੍ਰਸਪਰ ਚਲਦੇ ਹਨ? ਅਧਿਐਨ ਦੱਸਦਾ ਹੈ ਕਿ ਪਦਾਰਥ ਸਾਡੀ ਚੇਤਨਾ ਦਾ ਆਧਾਰ ਬਣਦਾ ਹੈ। ਸਾਰਾ ਪਦਾਰਥਕ ਜਗਤ ਲਗਾਤਾਰ ਗਤੀ ਅਤੇ ਬਦਲਾਅ ਅਧੀਨ ਹੈ। ਮਨੁੱਖ ਆਪਣੀ ਜ਼ਿੰਦਗੀ ਨੂੰ ਬਿਹਤਰ ਬਨਾਉਣ ਲਈ ਉਤਪਾਦਨ ਤੇ ਵਾਧੂ ਉਤਪਾਦਨ ਕਰਦਾ ਹੈ।

ਇਸ ਵਾਧੂ ਉਤਪਾਦਨ ਨਾਲ ਨਾ-ਬਰਾਬਰ ਵਿਤਰਣ ਅਤੇ ਨਿੱਜੀ ਜਾਇਦਾਦ ਵਾਲੇ ਮਸਲੇ ਖੜ੍ਹੇ ਹੁੰਦੇ ਹਨ। ਇਸੇ ਤਹਿਤ, ਥਾਮਸਨ ਅਨੁਸਾਰ, ਸਾਇੰਸ ਅਤੇ ਕਲਾ ਦੇ ਵਿਕਾਸ ਲਈ ਉਤਪਾਦਨ ਦਾ ਵਿਕਾਸ, ਦਿਮਾਗੀ ਤੇ ਸਰੀਰਕ ਕਿਰਤ ਵਿੱਚ ਵਿਰੋਧ ਅਤੇ ਜਮਾਤੀ ਵੰਡ ਜ਼ਰੂਰੀ ਸ਼ਰਤਾਂ ਬਣ ਜਾਂਦੇ ਹਨ। ਦਵੰਦਵਾਦ ਨੂੰ ਸਮਝਦਿਆਂ ਪਤਾ ਚਲਦਾ ਹੈ ਕਿ ਇਹ ਕੁਦਰਤ, ਮਨੁੱਖੀ ਸਮਾਜ ਤੇ ਸੋਚ ਦੀ ਗਤੀਸ਼ੀਲਤਾ ਅਤੇ ਵਿਕਾਸ ਦੇ ਕੰਮਾਂ ਦਾ ਵਿਖਿਆਨ ਹੈ। ਮਨੁੱਖ ਕਰਤਾ ਹੈ ਤੇ ਕੁਦਰਤ ਕਰਮ। 'ਉਤਪਾਦਨ' ਮਨੁੱਖ ਦੇ ਕੁਦਰਤ ਉਪਰ ਚੇਤੰਨ ਕਾਰਜ ਦੇ ਨਤੀਜੇ ਵਜੋਂ ਸਾਹਮਣੇ ਆਉਂਦਾ ਹੈ।

ਅੱਗੇ ਪੜੋ

'ਨਿਊ ਇੰਡੀਆ' ਦਾ ਨਵਾਂ ਜੁਮਲਾ -ਸੁਕੀਰਤ

Posted on:- 22-08-2017

suhisaver

ਅਸੀ, ਦੋ ਜਣੇ, ਕਨੇਡਾ ਦੇ ਲੰਮੇ ਪੈਂਡਿਆਂ ਵਿਚੋਂ ਇਕ ਦੇ ਦੋ-ਦਿਨ ਲੰਮੇ ਸਫ਼ਰ ਉਤੇ ਹਾਂ। ਮੇਰਾ ਸਾਥੀ ਰਾਜ ਜੋ ਪਿਛਲੇ ਪੰਝੀ ਵਰ੍ਹਿਆਂ ਤੋਂ ਕਨੇਡਾ ਦਾ ਵਸਨੀਕ ਹੈ ਕਾਰ ਚਲਾ ਰਿਹਾ ਹੈ। ਵਕਤ ਕੱਟਣ ਲਈ ਅਸੀ ਕਦੇ ਸੰਗੀਤ ਸੁਣਨ ਲਗ ਪੈਂਦੇ ਹਾਂ, ਕਦੇ ਗੱਪਾਂ ਮਾਰਨ ਲਗ ਜਾਂਦੇ ਹਾਂ। ਸਾਡੀ ਗੱਲਬਾਤ ਭਾਰਤ ਦੇ ਸਿਆਸੀ/ਆਰਥਕ ਹਾਲਾਤ ਅਤੇ ਕਾਂਗਰਸ ਦੇ ਦਸ ਸਾਲਾਂ ਦੇ ਮਿਲਗੋਭਾ ਰਾਜ ਬਾਅਦ ਆਈ ਭਾਜਪਾ ਦੀ ਮਜ਼ਬੂਤ ਸਰਕਾਰ ਅਤੇ ਉਸਦੇ ਦ੍ਰਿੜ ਪਰਧਾਨ ਮੰਤਰੀ ਵਲ ਮੁੜ ਜਾਂਦੀ ਹੈ। ਰਾਜ ਨੋਟਬੰਦੀ ਦੇ 'ਇਤਿਹਾਸਕ' ਫੈਸਲੇ ਬਾਰੇ ਮੇਰੀ ਰਾਏ ਪੁਛਦਾ ਹੈ ਅਤੇ ਮੇਰੀ ਨਾਂਹ-ਪੱਖੀ ਆਲੋਚਨਾ ਸੁਣਕੇ ਕੁਝ ਹੈਰਾਨ ਜਿਹਾ ਹੁੰਦਾ ਹੈ। ਬਹੁਤੀ ਤਫ਼ਸੀਲ ਵਿਚ ਜਾਣ ਦਾ ਤਾਂ ਉਸ ਕੋਲ ਵਕਤ ਹੈ ਨਹੀਂ, ਪਰ ਸੋਸ਼ਲ-ਮੀਡੀਆ ਅਤੇ 'ਵਟਸਐਪ' ਸੁਨੇਹਿਆਂ ਰਾਹੀਂ ਉਸਨੇ ਅਜੇ ਤੀਕ ਨੋਟਬੰਦੀ ਅਤੇ ਇਸਦੇ 'ਕਾਢਕਾਰ' ਬਾਰੇ ਸਿਰਫ਼ ਸਿਫ਼ਤੀ ਗੱਲਾਂ ਹੀ ਸੁਣੀਆਂ ਜਾਂ ਦੇਖੀਆਂ ਸਨ। ਏਸੇ ਲਈ ਮੇਰਾ ਮੋਦੀ-ਪ੍ਰਸਤ ਨਾ ਹੋਣਾ ਉਸਨੂੰ ਕੁਝ ਅਜੀਬ ਜਿਹਾ ਲਗਦਾ ਹੈ। ਰਾਜ ਦੀਆਂ ਨਜ਼ਰਾਂ ਵਿਚ ਮੈਂ ਸਿਆਣਾ ਵੀ ਹਾਂ, ਅਤੇ ਦਿਆਨਤਦਾਰ ਵੀ; ਸੋ ਮੋਦੀ ਵਰਗੇ ਦਿਆਨਤਦਾਰ ਪਰਧਾਨ ਮੰਤਰੀ ਤੋਂ ਮੈਂ ਕਿਉਂ ਨਹੀਂ ਪਰਭਾਵਤ?

" ਜੋ ਵੀ ਹੈ, ਇਕ ਗਲ ਤਾਂ ਮੰਨਣੀ ਪਵੇਗੀ ਕਿ ਮੋਦੀ ਬਹੁਤ ਵੱਖਰੀ ਕਿਸਮ ਦਾ ਆਦਮੀ ਹੈ। ਮੈਂ ਖੁਦ ਉਹ ਵੀਡੀਓ ਦੇਖਿਆ ਹੈ ਕਿ ਨੋਟਬੰਦੀ ਦੇ ਦਿਨਾਂ ਵਿਚ ਕਿਵੇਂ ਮੋਦੀ ਜੀ ਦੀ ਬਿਰਧ ਮਾਤਾ ਆਪ ਪੈਸੇ ਕਢਵਾਉਣ ਲਈ ਬੈਂਕ ਗਈ ਸੀ..", ਰਾਜ ਮੈਨੂੰ ਕਾਇਲ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ।

ਅੱਗੇ ਪੜੋ

ਸਾਥੀ ਸ਼ਿੰਦਰ ਨੱਥੂਵਾਲਾ ਦਾ ਬੇਵਕਤੀ ਵਿਛੋੜਾ ਇਨਕਲਾਬੀ ਜਮਹੂਰੀ ਲਹਿਰ ਲਈ ਵੱਡਾ ਘਾਟਾ : ਕੰਵਲਜੀਤ ਖੰਨਾ

Posted on:- 10-11-2018

suhisaver

ਬਰਨਾਲਾ : ਸਾਥੀ ਸ਼ਿੰਦਰ ਨੱਥੂਵਾਲਾ ਦਾ ਬੇਵਕਤੀ ਅਸਿਹ ਅਤੇ ਅਕਿਹ ਵਿਛੋੜਾ ਇਨਕਲਾਬੀ ਜਮਹੂਰੀ ਲਹਿਰ ਲਈ ਵੱਡਾ ਅਤੇ ਨਾਂ ਪੂਰਾ ਜਾ ਸਕਣ ਵਾਲਾ ਘਾਟਾ ਹੈ। ਇਨਕਲਾਬੀ ਕੇਂਦਰ,ਪੰਜਾਬ ਦੇ ਸੂਬਾ ਆਗੂਆਂ ਪ੍ਰਧਾਨ ਸਾਥੀ ਨਰਾਇਣ ਦੱਤ,ਜਨਰਲ ਸਕੱਤਰ ਕੰਵਲਜੀਤ ਖੰਨਾ ਅਤੇ ਸੂਬਾ ਕਮੇਟੀ ਮੈਂਬਰ ਮੁਖਤਿਆਰ ਪੂਹਾਲਾ ਨੇ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਭਰ ਜਵਾਨੀ ਪਹਿਰੇ ਤੋਂ ਸਾਥੀ ਸ਼ਿੰਦਰ ਨੱਥੂਵਾਲਾ ਦਾ ਇਨਕਲਾਬੀ ਜਮਹੂਰੀ ਲਹਿਰ ਲਈ ਚੁੱਕਿਆ ਕਦਮ ਆਖਰੀ ਸਾਹ ਤੱਕ ਵਫਾ ਪਾਲਦਾ ਹੋਇਆ ਨਵੇਂ ਲੋਕ ਪੱਖੀ ਜਮਹੂਰੀ ਨਿਜਾਮ ਦੀ ਸਿਰਜਣਾ ਦਾ ਸੁਨੇਹਾ ਦੇਣ ਦੀ ਪਿਰਤ ਪਾਕੇ ਇਨਕਲਾਬੀ ਕਾਫਲੇ ਨੂੰ ਅਲਵਿਦਾ ਆਖ ਗਿਆ। ਇਸ ਸਮੇਂ ਬੇਵਕਤੀ ਸਮੇਂ ਚਲੇ ਜਾਣ ਤੇ ਇਨਕਲਾਬੀ ਕੇਂਦਰ,ਪੰਜਾਬ ਨੇ ਪ੍ਰੀਵਾਰ ਦੇ ਦੁੱਖ‘ਚ ਸ਼ਰੀਕ ਹੁੰਦਾ ਹੋਇਆ ਦਿਲੀ ਹਮਦਰਦੀ ਦਾ ਪ੍ਰਗਟਾਵਾ ਕੀਤਾ ਹੈ।

ਆਗੂਆਂ ਕਿਹਾ ਕਿ ਸਾਥੀ ਸ਼ਿੰਦਰ ਨੱਥੂਵਾਲ ਦੇ ਬੇਵਕਤੀ ਚਲੇ ਜਾਣ ਨਾਲ ਪ੍ਰੀਵਾਰ ਸਮੇਤ ਇਨਕਲਾਬੀ ਜਮਹੂਰੀ ਲਹਿਰ ਦੇ ਵੱਡੇ ਪ੍ਰੀਵਾਰ ਨੂੰ ਬਹੁਤ ਵੱਡਾ ਘਾਟਾ ਪਿਆ ਹੈ। ਆਖਰੀ ਸਮੇਂ ਸਾਥੀ ਸ਼ਿੰਦਰ ਨੱਥੂਵਾਲਾ ਪੰਜਾਬ ਦੀਆਂ ਸੰਘ੍ਰਸ਼ਸ਼ੀਲ ਕਿਸਾਨ ਜਥੈਬੰਦੀਆਂ ਦਾ ਅਹਿਮ ਅੰਗ ਕ੍ਰਾਂਤਕਾਰੀ ਕਿਸਾਨ ਯੂਨੀਅਨ ਪੰਜਾਬ ਦੇ ਪ੍ਰਧਾਨਗੀ ਦੀ ਵਡੇਰੀ ਜ਼ਿੰਮੇਵਾਰੀ ਨਿਭਾ ਰਿਹਾ ਸੀ। ਜਦ ਪੰਜਾਬ ਸਮੇਤ ਮੁਲਕ ਭਰ ਦੀ ਕਿਸਾਨੀ ਗੰਭੀਰ ਆਰਥਿਕ ਸੰਕਟ ਦੇ ਦੌਰ ਚੋਂ ਗੁਜ਼ਰ ਰਹੀ ਹੈ ਤਾਂ ਸ਼ਿੰਦਰ ਨੱਥੂਵਾਲਾ ਵਰਗੇ ਪ੍ਰਤੀਬੱਧ ਕਿਸਾਨ ਆਗੂਆਂ ਦੀ ਬਹੁਤ ਜਿਆਦਾ ਲੋੜ ਸੀ। ਕਿਉਂਕਿ ਸਾਥੀ ਸ਼ਿੰਦਰ ਨੱਥੂਵਾਲਾ ਸਿਰਫ ਕਿਸਾਨ ਆਗੂ ਹੀ ਨਹੀਂ ਸੀ,ਸਗੋਂ ਉਹ ਤਾਂ ਇਨਕਲਾਬੀ ਜਮਹੂਰੀ ਲਹਿਰ ਦਾ ਸਮਰਪਿਤ ਆਗੂ ਸੀ। ਜਿੱਥੇ ਸ਼ਿੰਦਰ ਨੱਥੂਵਾਲਾ ਅੱਜ ਦੀ ਹਾਲਤ ਵਿੱਚ ਕ੍ਰਾਂਤਕਾਰੀ ਕਿਸਾਨ ਯੂਨੀਅਨ ਪੰਜਾਬ ਦਾ ਪ੍ਰਧਾਨ ਸੀ,ਨਾਲ ਹੀ ਇਸ ਤੋਂ ਪਹਿਲਾਂ ਉਹ ਇਨਕਲਾਬੀ ਕੇਂਦਰ,ਪੰਜਾਬ ਦਾ ਲੰਬਾ ਸਮਾਂ ਸੂਬਾ ਕਮੇਟੀ ਮੈਂਬਰ ਵਜੋਂ ਵੀ ਅਹਿਮ ਜ਼ਿੰਮੇਵਾਰੀ ਨਿਭਾਉਂਦਾ ਰਿਹਾ ਹੈ।

ਅੱਗੇ ਪੜੋ

ਗ਼ਜ਼ਲ - ਪਰਮ ਜੀਤ ਰਾਮਗੜੀਆ

Posted on:- 09-11-2018

suhisaver

ਮੈਂ ਵੀ ਆਪਣੀਂ ਦੇਹਲੀ 'ਤੇ , ਦਿੱਤਾ ਹੈ ਦੀਵਾ ਧਰ ਯਾਰੋ।
ਮਹਿਲਾਂ ਵੱਲ ਮੂੰਹ ਦੀਵੇ ਦਾ, ਦਿੱਤਾ ਹੈ ਜਗਦਾ ਕਰ ਯਾਰੋ।

ਚਲੋ ਸਾਡਾ ਕੀ ਐ ਅਸੀਂ, ਕਾਲੀ ਦੀਵਾਲੀ ਮਨਾਲਾਂਗੇ,
ਹਾਕਮਾਂ ਆਪਣੇ ਮੰਤਰੀਆਂ ਦੇ, ਲੈਣੇ ਐਂ ਭੜੌਲੇ ਭਰ ਯਾਰੋ।

ਇਹ ਧਰਨੇ, ਮੁਜ਼ਾਹਰੇ , ਭੁੱਖ ਹੜਤਾਲਾਂ ਤੇ ਮਰਨ ਵਰਤ,
ਇਨ੍ਹਾਂ ਨੂੰ ਕੀ ਪੁੱਤ ਕਿਸੇ ਦਾ, ਜਾਂਦੈ ਭਰ ਜਵਾਨੀ ਮਰ ਯਾਰੋ।

ਹਰਿਆਣੇ ਦਾ ਛਿੱਟਕੂ ਕੀ, ਜਾਣੇ ਪੰਜਾਬ ਦਾ ਹਾਲਾਤਾਂ ਨੂੰ,
ਚਾਰ ਛਿੱਲੜਾਂ ਨਾਲ਼ ਦੱਸੋ ਕਿੱਦਾ, ਚੱਲਦੈ ਹੁੰਦਾ ਘਰ ਯਾਰੋ।

ਹੱਕਾਂ ਖਾਤਿਰ ਲੜਨਾਂ ਜੋ, ਹੈ ਲੋਕਤੰਤਰ ਦੇ ਦਾਇਰੇ ਵਿੱਚ,
ਨਵੇਂ ਕਾਨੂੰਨ ਘੜ, ਟਰਮੀਨੇਸ਼ਨਾਂ ਦਿੰਦਾ ਸੋਨੀ ਕਰ ਯਾਰੋ।

ਅੱਗੇ ਪੜੋ

'ਕਾਲੀ ਦੀਵਾਲੀ' ਮਨਾਉਣ ਲਈ ਨਿਊ ਮੋਤੀ ਮਹਿਲ ਵੱਲ ਰੋਸ ਮਾਰਚ ਕਰਦੇ ਅਧਿਆਪਕਾਂ 'ਤੇ ਪੁਲਿਸ ਨੇ ਕੀਤਾ ਲਾਠੀਚਾਰਜ਼

Posted on:- 07-11-2018

suhisaver

ਪਟਿਆਲਾ : ਮੁੱਖ ਮੰਤਰੀ ਦੀ ਬੇਰੁਖੀ ਦਾ ਸ਼ਿਕਾਰ ਅਧਿਆਪਕ ਪਿਛਲੇ ਇੱਕ ਮਹੀਨੇ ਤੋਂ ਪਟਿਆਲਾ ਦੀਆਂ ਸੜਕਾਂ 'ਤੇ ਰੁਲਣ ਲਈ ਮਜਬੂਰ ਹਨ। ਦੁਸ਼ਹਿਰਾ ਅਤੇ ਕਰਵਾ ਚੌਥ ਦਾ ਤਿਉਹਾਰ ਸੰਘਰਸ਼ ਦੀਆਂ ਪਿੜਾਂ 'ਚ ਬਿਤਾਉਣ ਵਾਲੇ ਅਧਿਆਪਕਾਂ ਨੇ ਦੀਵਾਲੀ ਦਾ ਤਿਉਹਾਰ ਵੀ ਆਪਣੇ ਘਰਾਂ ਤੋਂ ਬਾਹਰ ਹੀ ਮਨਾਇਆ ਅਤੇ ਸਾਂਝੇ ਅਧਿਆਪਕ ਮੋਰਚੇ ਦੀ ਅਗਵਾਈ ਵਿੱਚ ਚੱਲ ਰਹੇ ਪੱਕੇ ਮੋਰਚੇ ਦੇ 32ਵੇਂ ਦਿਨ 10 'ਅਧਿਆਪਕ ਜੋੜਿਆਂ' ਨੇ ਭੁੱਖ ਹੜਤਾਲ ਦੀ ਲੜੀ ਨੂੰ ਅੱਗੇ ਤੋਰਿਆ।
ਪਟਿਆਲਾ,ਸੰਗਰੂਰ,ਬਰਨਾਲਾ ਅਤੇ ਫਤਿਹਗੜੵ ਸਾਹਿਬ ਜ਼ਿਲ੍ਹਿਆਂ ਦੇ ਵੱਡੀ ਗਿਣਤੀ ਅਧਿਆਪਕਾਂ ਨੇ ਅੱਜ ਪਟਿਆਲਾ ਸ਼ਹਿਰ 'ਚ ਗੁਰੂਦੁਆਰਾ ਦੁੱਖ ਨਿਵਾਰਨ ਸਾਹਿਬ ਨੇੜੇ ਲੱਗੇ ਪੱਕੇ ਧਰਨੇ ਵਾਲੇ ਸਥਾਨ ਤੋਂ ਮੁੱਖ ਮੰਤਰੀ ਦੀ ਰਿਹਾਇਸ਼ 'ਨਿਊ ਮੋਤੀ ਮਹਿਲ' ਵੱਲ ਰੋਸ ਮਾਰਚ ਕੀਤਾ। ਪੰਜਾਬ ਸਰਕਾਰ ਵੱਲੋਂ ਅਧਿਆਪਕਾਂ ਨੂੰ ਖੱਜਲ ਖੁਆਰ ਕਰਨ ਦੀ ਨੀਤੀ ਦੇ ਵਿਰੋਧ ਵਿੱਚ 'ਕਾਲੀ ਦੀਵਾਲੀ' ਮਨਾਉਣ ਲਈ ਮੁੱਖ ਮੰਤਰੀ ਦੇ ਘਰ ਵੱਲ ਵਧਦੇ ਅਧਿਆਪਕਾਂ 'ਤੇ ਪੁਲਿਸ ਵੱਲੋਂ ਭੜਕਾਹਟ ਪੈਦਾ ਕਰਦੇ ਹੋਏ ਲਾਠੀਚਾਰਜ ਕੀਤਾ ਅਤੇ ਮਹਿਲਾ ਅਧਿਆਪਕਾਵਾਂ ਦੀ ਪੁਰਸ਼ ਮੁਲਾਜ਼ਮਾਂ ਵੱਲੋਂ ਖਿੱਚਧੂਹ ਵੀ ਕੀਤੀ ਗਈ।ਪੁਲਿਸ ਦੀ ਧੱਕੇਸ਼ਾਹੀ ਵਾਲੀ ਕਾਰਵਾਈ ਤੋਂ ਖਫਾ ਅਧਿਆਪਕਾਂ ਨੇ ਰੋਕਾਂ ਨੂੰ ਤੋੜਦਿਆਂ ਮੁੱਖ ਮੰਤਰੀ ਦੇ ਨਿਊ ਮੋਤੀ ਮਹਿਲ ਤੱਕ ਰੋਹ ਭਰਪੂਰ ਰੋਸ ਮਾਰਚ ਕੀਤਾ। ਪ੍ਰਸ਼ਾਸ਼ਨ ਵੱਲੋਂ ਨਾਇਬ ਤਹਿਸੀਲਦਾਰ ਪਰਮਜੀਤ ਜਿੰਦਲ ਨੇ ਅਧਿਆਪਕਾਂ 'ਚ ਪਹੁੰਚ ਕੇ ਭਰੋਸਾ ਦਿੱਤਾ ਕਿ ਅਧਿਆਪਕਾਂ ਨਾਲ ਧੱਕੇਸ਼ਾਹੀ ਕਰਨ ਵਾਲੇ ਪੁਲਿਸ ਮੁਲਾਜ਼ਮਾਂ ਦੀ ਨਿਸ਼ਾਨਦੇਹੀ ਕਰਕੇ ਉਨੵਾਂ ਖਿਲਾਫ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।

ਅੱਗੇ ਪੜੋ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ