Sun, 15 September 2019
Your Visitor Number :-   1805754
SuhisaverSuhisaver Suhisaver
ਗਣਪਤੀ ਵਿਸਰਜਨ ਦੌਰਾਨ ਵੱਖ-ਵੱਖ ਥਾਵਾਂ 'ਤੇ ਡੁੱਬਣ ਨਾਲ 33 ਮੌਤਾਂ               ਚਿਦੰਬਰਮ ਦੀ ਆਤਮ-ਸਮਰਪਣ ਦੀ ਪਟੀਸ਼ਨ ਖ਼ਾਰਜ              

ਪੀ ਸੀ ਪਾਰਟੀ ਦੀ ਮੈਕਾਲ ਹਲਕੇ ਲਈ ਨਾਮੀਨੇਸ਼ਨ

Posted on:- 31-01-2015

suhisaver

ਪੰਜਾਬੀ ਭਾਈਚਾਰੇ ਵਿੱਚੋਂ ਜੰਗ ਬਹਾਦਰ ਸਿੰਘ ਸਿੱਧੂ ਚੋਣ ਮੈਦਾਨ ਵਿੱਚ ਨਿੱਤਰੇ

- ਹਰਬੰਸ ਬੁੱਟਰ

ਅਲਬਰਟਾ ਵਿਧਾਨ ਸਭਾ ਹਲਕਾ ਮੈਕਾਲ ਤੋਂ ਪੀ ਸੀ ਪਾਰਟੀ ਦੇ ਉਮੀਦਵਾਰ ਦੀ ਨਾਮੀਨੇਸ਼ਨ ਲਈ ਹਲ-ਚਲ ਸ਼ੁਰੂ ਹੋ ਗਈ ਹੈ। ਐਲਾਨੀਆਂ ਤੌਰ ‘ਤੇ ਭਾਵੇਂ ਹਾਲੇ ਕਿਸੇ ਨੇ ਵੀ ਰਸਮੀ ਐਲਾਨ ਨਹੀਂ ਕੀਤਾ ਪਰ ਪੰਜਾਬੀ ਭਾਈਚਾਰੇ ਵਿੱਚੋਂ ਬਹੁਤਿਆਂ ਨੇ ਆਪਣੇ ਨਾਂ ਪਿੱਛੇ ਐਮ ਐਲ ਏ ਸ਼ਬਦ ਜੋੜਨ ਦੀ ਮਨ ਵਿੱਚ ਸੋਚੀ ਹੋਈ ਹੈ। ਅੰਦਰੋ ਅੰਦਰੀ ਬਹੁਤ ਸਾਰੇ ਥਾਵਾਂ ਉੱਪਰ ਸਿਆਸਤ ਦੇ ਲੱਡੂ ਭੋਰੇ ਜਾ ਰਹੇ ਹਨ। ਪੰਜਾਬ ਅਤੇ ਅਲਬਰਟਾ ਦੀ ਸਿਆਸਤ ਦੇ ਖੇਤਰ ਵਿੱਚ ਆਪਣਾ ਚੰਗਾ ਪ੍ਰਭਾਵ ਰੱਖਣ ਵਾਲੇ ਪੰਜਾਬੀ ਭਾਈਚਾਰੇ ਦੀ ਨਾਮੀ ਸ਼ਖਸੀਅਤ ਜੰਗ ਬਹਾਦਰ ਸਿੰਘ ਸਿੱਧੂ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਉਹ ਚੋਣ ਮੈਦਾਨ ਵਿੱਚ ਨਿੱਤਰ ਚੁੱਕੇ ਹਨ । ਪਾਰਟੀ ਵਰਕਰਾਂ ਨਾਲ ਮੀਟਿੰਗਾ ਦਾ ਸਿਲਸਿਲਾ ਸ਼ੁਰੂ ਹੋ ਚੁੱਕਾ ਹੈ ।

ਪੰਜਾਬੀ ਭਾਈਚਾਰੇ ਵੱਲੋਂ ਇਸ ਵਾਰ ਉਹਨਾਂ ਨੂੰ ਬਹੁਤ ਹੀ ਵੱਡੇ ਹੁੰਗਾਰੇ ਦੀ ਉਮੀਂਦ ਜਿਤਾਈ ਜਾ ਰਹੀ ਹੈ। ਵਰਨਣਯੋਗ ਹੈ ਪਿਛਲੇ ਸਮਿਆਂ ਦੌਰਾਨ ਸਾਲ 2011 ਵਿੱਚ ਵੀ ਜੰਗ ਬਹਾਦਰ ਸਿੰਘ ਸਿੱਧੂ ਨਾਮੀਨੇਸ਼ਨ ਲਈ ਮੈਦਾਨ ਵਿੱਚ ਸਨ । ਪੰਜਾਬੀ ਉਮੀਦਵਾਰਾਂ ਦੀ ਗਿਣਤੀ ਜ਼ਿਆਦਾ ਹੋਣ ਕਾਰਨ ਭਾਵੇਂ ਇਹਨਾਂ ਨੂੰ ਵੱਡੀ ਮਾਤਰਾ ਵਿੱਚ ਵੋਟਾਂ ਮਿਲੀਆਂ ਸਨ, ਪਰ ਸਫਲਤਾ ਤੋਂ ਕੁਝ ਕੁ ਦੂਰੀ ਪਿਛਾਂਹ ਉੱਤੇ ਹੀ ਸਬਰ ਕਰਨਾ ਪਿਆ ਸੀ। ਇਸ ਵਾਰ ਉਹ ਆਪਣੇ ਸਹਿਯੋਗੀ ਵੋਟਰਾਂ ਦੇ ਸਹਾਰੇ ਆਪਣੀ ਜਿੱਤ ਨੂੰ ਯਕੀਨੀ ਬਣਾਉਣ ਦੀ ਆਸ ਵਿੱਚ ਹਨ। ਪਿਛਲੀਆਂ ਚੋਣਾਂ ਮੌਕੇ ਸਾਡੇ ਪੰਜਾਬੀ ਭਾਈਚਾਰੇ ਵਿੱਚ ਚੰਗਾ ਅਸਰ ਰਸੂਖ ਰੱਖਣ ਵਾਲੇ ਕੁਝ ਸੱਜਣ ਜੋ ਕਿ ਚੋਣ ਲੜਨ ਦੇ ਐਲਾਨ ਨਾਲ ਕਨੇਡਾ ਅਤੇ ਪੰਜਾਬ ਦੀਆਂ ਅਖ਼ਬਾਰਾਂ ਦੀਆਂ ਸੁਰਖੀਆਂ ਵਿੱਚ ਆ ਗਏ ਸਨ ,ਇਸ ਵਾਰ ਫਿਰ ਕਨਸੋਆਂ ਆ ਰਹੀਆਂ ਹਨ ਕਿ ਸ਼ਾਇਦ ਉਹ ਵੀ ਚੋਣ ਮੈਦਾਨ ਵਿੱਚ ਨਿੱਤਰ ਪੈਣ । ਅਗਰ ਅਜਿਹਾ ਹੁੰਦਾ ਹੈ ਤਾਂ ਫਿਰ ਅਗੇਤਰੇ ਮਾਹੌਲ ਵਿੱਚ ਕਿਸੇ ਨੂੰ ਵੜੇਵੇਂ ਖਾਣੀ ਦਾ ਖਿਤਾਬ ਦੇਣਾ ਮੁਸ਼ਕਿਲ ਹੈ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਤਰਾਂ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ