Wed, 18 September 2019
Your Visitor Number :-   1807562
SuhisaverSuhisaver Suhisaver
ਗਣਪਤੀ ਵਿਸਰਜਨ ਦੌਰਾਨ ਵੱਖ-ਵੱਖ ਥਾਵਾਂ 'ਤੇ ਡੁੱਬਣ ਨਾਲ 33 ਮੌਤਾਂ               ਚਿਦੰਬਰਮ ਦੀ ਆਤਮ-ਸਮਰਪਣ ਦੀ ਪਟੀਸ਼ਨ ਖ਼ਾਰਜ              

ਟੱਪੇ –ਐੱਸ. ਸੁਰਿੰਦਰ ਇਟਲੀ

Posted on:- 13-10-2014



ਤਾਰੇ
ਦਿਲ ਦਿਲਦਾਰ ਲੈ ਗਿਆ , ਨੈਣੋ ਵਗਦੇ ਹੰਝੂ ਖਾਰੇ ।

ਗਾਨੀ ।
ਮੱਛੀ ਵਾਂਗੂੰ ਜਿੰਦ ਤੜ੍ਹਪੇ , ਹੰਝੂ ਤੇਰੀ ਯਾਦ ਨਿਸ਼ਾਨੀ ।

ਲਾਰੀ ।
ਯਾਦ ਤੇਰੀ ਨਾਲ ਵੱਸਦੀ , ਮੇਰੇ ਦਿਲ ਤੇ ਫੇਰਦੀ ਆਰੀ ।

ਗਾਨਾ ।
ਚੰਨਾ ਤੈਨੂੰ ਮਿਲਣ ਲਈ , ਨਿੱਤ ਲੱਭੀਏ ਨਵਾਂ ਬਹਾਨਾ ।

ਆਰੀ ।
ਕਾਸ਼ਨੀ ਦੁੱਪਟੇ ਵਾਲੀਏ , ਤੇਰੀ ਕੁੜੀਆਂ ਤੇ ਸਰਦਾਰੀ ।

ਗਾਗਰ ।
ਕੱਚਿਆ ਘੜ੍ਹਿਆ ਵੇ , ਅਸਾਂ ਤਰਨਾ ਇਸ਼ਕ ਦਾ ਸਾਗਰ ।

ਦਾਣਾ ।
ਸੱਚੋ ਸੱਚ ਦੱਸ ਕਾਵਾਂ , ਕਦੋਂ ਮਾਹੀ ਨੇ ਘਰ ਆਣਾ ।

ਛੱਲੀ ।
ਰੋਵਾਂ ਨਾਲੇ ਚਿੱਠੀਆਂ ਲਿਖਾਂ , ਚੰਨਾ ਤੇਰੀ ਯਾਦ ਅਵੱਲੀ ।



ਫੀਤਾ ।
ਤੇਰਿਆਂ ਝੋਰਿਆਂ ਨੇ , ਮੈਨੂੰ ਮਰਿਆ ਬਰੋਬਰ ਕੀਤਾ ।

ਹਾਸਾ ।
ਚੰਨ ਪਰਦੇਸੀਆ ਵੇ , ਮੇਰਾ ਹੰਝੂਆਂ ਦੇ ਵਿੱਚ ਵਾਸਾ ।

ਪਾਰਾ ।
ਫੁੱਲਾਂ ਜਿਹੀ ਮਲੂਕ ਜਿੰਦ ਨੂੰ , ਲੱਗਾ ਰੋਗ ਹਿਜ਼ਰ ਦਾ ਭਾਰਾ ।

ਛੱਲਾ ।
ਤੇਰੇ ਨਾਲ ਪਿਆਰ ਪਾ ਕੇ , ਅਸਾਂ ਲਾ ਲਿਆ ਰੋਗ ਅਵੱਲਾ ।

ਲੋਈ ।

ਜੱਗ ਭਾਵੇਂ ਲੱਖ ਵੱਸਦਾ , ਮੇਰਾ ਰਾਂਝਣ ਬਿਨ ਨਾ ਕੋਈ ।

ਖਾਰ ।
ਆ ਪਰਦੇਸੀਆ ਵੇ ! , ਤੇਰੀ ਮੰਗ ਹੋਈ ਮੁਟਿਆਰ ।

ਹੀਰਾ
ਭੈਣ ਤੇਰਾ ਰਾਹ ਤੱਕਦੀ , ਹਾੜਾ! ਮਿਲ ਪਰਦੇਸੀ ਵੀਰਾ ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ