Fri, 22 November 2019
Your Visitor Number :-   1927514
SuhisaverSuhisaver Suhisaver
ਰਾਫੇਲ ਮਾਮਲੇ ਦੀ ਸੀ ਬੀ ਆਈ ਜਾਂਚ ਹੋਵੇ : ਪ੍ਰਸ਼ਾਂਤ, ਸ਼ੋਰੀ               ਮਲਵਿੰਦਰ ਤੇ ਸ਼ਿਵਿੰਦਰ ਹੱਤਕ ਅਦਾਲਤ ਦੇ ਦੋਸ਼ੀ ਕਰਾਰ              

ਕਮਰ-ਉਜ਼-ਜ਼ਮਾਨ ਦੀਆਂ ਬੋਲੀਆਂ

Posted on:- 18-10-2014



ਕਹਾਣੀ ਮੁੱਕ ਗਈ ਬੰਦਿਆ ਤੇਰੀ

ਜੰਮਦੇ ਨੇ ਸਾਹ ਲੈ ਲਿਆ

ਵਾਲਾਂ ਵਿਚ ਪੋਹ ਫੁੱਟ ਪਈ
ਸੋਚਾਂ ਦਾ ਜਦੋਂ ਹੜ ਡੱਕਿਆ

ਮੈਨੂੰ ਯਾਦ ਸੱਜਣ ਦੀ ਆਵੇ
ਹੌਲੀ ਹੌਲੀ ਮੀਂਹ ਵਰ੍ਹਦਾ

ਵੇ ਮੈਂ ਭੋਈਂ ਤੇ ਡੁੱਲ੍ਹੀ ਮਿਸ਼ਰੀ
ਲੈ ਜਾ ਮੇਰਾ ਰੁੱਗ ਭਰ ਕੇ

ਅਸਾਂ ਲੱਕੜੀ ਦੇ ਊਠ ਬਣਾਏ
ਭਾਰ ਸਾਰੇ ਆਪ ਚੁੱਕ ਲਏ

ਬੰਦ ਹੋਣਾ ਨਹੀਓਂ ਖੁੱਲ੍ਹ ਦੀ ਬਾਰੀ
ਤੇ ਰੁੱਠ੍ਹੇ ਨੂੰ ਮਨਾਣਾਂ ਅੱਖੀਆਂ

ਮੇਰੇ ਕੋਲ਼ ਇਕ ਮਿਸਰਾ
ਦੂਜਾ ਲੈ ਗਿਆ ਦਿਲਾਂ ਦਾ ਜਾਨੀ

ਖੁੱਲੀ ਅੱਖ ਨੇ ਤਮਾਸ਼ਾ ਕੀਤਾ
ਬੱਦਲਾਂ ਨੇ ਸੋਚ ਡੱਕ ਲਈ

ਮੇਰੇ ਹੱਥ ਵਿਚ ਮੋਹ ਦੀ ਤੱਕੜੀ
ਯਾਰਾਂ ਨੂੰ ਮੈਂ ਕਿਵੇਂ ਤੋਲਦਾ

ਖੁੱਲੀ ਰਹਿ ਗਈ ਅੱਖ ਦੀ ਬਾਰੀ
ਤੇ ਵੇਖ ਸਾਡੀ ਰਾਹ ਤੱਕਣੀ

ਨਹੀਂ ਲੱਭਣਾ ਬਾਲ ਗਵਾਚਾ
ਖਿਡੌਣਿਆਂ ’ਚੋਂ ਕੀ ਲੱਭਦੀ

ਦਿਲ ਹੋ ਗਏ ਪਿਆਰ ਤੋਂ ਖ਼ਾਲੀ
ਪੱਥਰਾਂ ’ਚੋਂ ਰੱਬ ਲੱਭਦੇ

ਖ਼ੋਰੇ ਉਹਦੀ ਭੁੱਖ ਮਰ ਜਾਏ
ਤੂੰ ਰੋਟੀਆਂ ਫ਼ਰੇਮ ਲੈ

ਸੱਚੇ ਰੱਬ ਨੂੰ ਭੁਲਾਈ ਫਿਰਨਾ
ਧਰਤੀ ’ਤੇ ਯਾਰ ਵਸਦਾ

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ