Mon, 17 February 2020
Your Visitor Number :-   2386869
SuhisaverSuhisaver Suhisaver
ਸੂਹੀ ਸਵੇਰ ਦਾ ਸਾਲਾਨਾ ਸਮਾਗਮ 9 ਫਰਵਰੀ ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ               ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਹੀਂ ਰਹੇ              

ਗ਼ਜ਼ਲ -ਬਿੰਦਰ ਜਾਨ-ਏ-ਸਾਹਿਤ

Posted on:- 09-12-2014


ਧਰਤੀ ਦਾ ਰੱਬ ਲੋਕੋ ਅੱਜ ਪੈਸਾ ਹੋ ਗਿਆ
ਏਸ ਰੱਬ ਵਿਚ ਜੱਗ ਲੱਗੇ ਸਾਰਾ ਖੋ ਗਿਆ

ਜ਼ੁਲਮ ਤੇ ਮੌਤ ਦੀ ਫਸਲ ਜੰਮੀ ਚਾਰੇ ਪਾਸੇ
ਮਾਰੂ ਹਥਿਆਰਾਂ ਵਾਲੇ ਬੀਜ ਕੋਈ ਬੋ ਗਿਆ

ਔਰਤ ਦੀ ਇਜ਼ਤ ਵੀ ਬਣੀ ਏ ਵਣਜ ਅੱਜ
ਬੇਵਸੀ ਦਾ ਨੀਰ ਕੋੜਾ ਨੈਣਾਂ ਵਿਚੋਂ ‘ਚੋ ਗਿਆ

ਰਿਸ਼ਵਤਖੋਰੀ ਨੇ ਖਰੀਦ ਸੰਵਿਧਾਨ ਲਇਆ
ਪੰਨੇ ਉਤੇ ਲਿਖਿਆ ਕਾਨੂੰਨ ਕੋਈ ਧੋ ਗਿਆ

ਧਰਤੀ ਖਰੀਦੀ ਸਾਰੀ ਸਾਧਾਂ ਸੰਤਾਂ ਡੇਰਿਆਂ ਨੇ
ਰੂਹ ਵਾਲਾ ਰੱਬ ਦਿਲ ਅੰਦਰੋਂ ਹੀ ਮੋ ਗਿਆ

ਮਿਹਨਤ ਦਾ ਮੁੱਲ ਅੱਜ ਮਿੱਟੀ ਵਿਚ ਮਿਲਿਆ
ਖਾ ਗਿਆ ਕਮਾਈ ਕੋਈ ਬੋਝਾ ਕੋਈ ਢੋ ਗਿਆ

ਕਿਰਤੀ ਵਿਚਾਰਾ ਦੋ ਰੋਟੀਆਂ ਨੇ ਰੋਲ ਦਿਤਾ
ਭੁੱਖੇ ਪੇਟ ਬਿੰਦਰਾ ਗਰੀਬ ਕੋਈ ਸੋ ਗਿਆ


ਸੰਪਰਕ: 003 93342 899610

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ