Wed, 20 November 2019
Your Visitor Number :-   1921922
SuhisaverSuhisaver Suhisaver
ਰਾਫੇਲ ਮਾਮਲੇ ਦੀ ਸੀ ਬੀ ਆਈ ਜਾਂਚ ਹੋਵੇ : ਪ੍ਰਸ਼ਾਂਤ, ਸ਼ੋਰੀ               ਮਲਵਿੰਦਰ ਤੇ ਸ਼ਿਵਿੰਦਰ ਹੱਤਕ ਅਦਾਲਤ ਦੇ ਦੋਸ਼ੀ ਕਰਾਰ              

ਮਾਰੇ ਸਨ ਸੂਰਮੇ - ਹਰਜਿੰਦਰ ਸਿੰਘ ਗੁਲਪੁਰ

Posted on:- 25-01-2015



ਆਉਣ ਵਾਲੀ ਪੀੜੀ ਸਦਾ ਯਾਦ ਰੱਖੁ ਭੂਤਕਾਲ,
ਭਾਜਪਾ ਦੇ ਨਾਲ ਯਾਰੀ ਹੁੰਦੀ ਸੀ ਅਕਾਲੀਆਂ ਦੀ

ਕਮਲ ਦੇ ਫੁੱਲ ਪਹਿਲਾਂ ਤੱਕੜੀ  ਚ ਤੁਲਦੇ ਸੀ ,
ਬਾਰ ਅੱਗੇ ਭੀੜ ਲੱਗੀ ਰਹਿੰਦੀ ਸੀ ਸਵਾਲੀਆਂ ਦੀ

ਵਢੀ ਖੋਰੀ ਜਦੋਂ ਬਦਨਾਮ ਹੋ ਜਾਂਦੀ ਸੀ,
ਚਿੰਨ੍ਹ ਬਣ ਜਾਂਦੀ ਸੀ ਉਹ ਲੋਹੜੀਆਂ ਦੀਵਾਲੀਆਂ ਦੀ

ਕਾਤਲਾਂ ਦਾ ਠੱਪਾ ਇੱਕ ਦੂਜੇ ਉੱਤੇ ਲਾਉਂਦੇ ਸੀ,
ਸਤਾ ਲਈ "ਜੋੜੀ" ਜੁੜੀ ਰਹਿੰਦੀ ਸੀ ਮਵਾਲੀਆਂ ਦੀ

ਤੱਕੜੀ ਦੀ "ਬੋਦੀ" ਨਾਲ ਬਝਿਆ ਅਰਥਚਾਰਾ,
ਐਵੇਂ ਅੱਗੇ ਸੁੱਟੀ ਹੈ ਕਹਾਣੀ "ਅਬਦਾਲੀਆਂ" ਦੀ

ਲਹੂ ਵਿਚ ਡੋਬਿਆ ਪੰਜਾਬ ਜਿਹਨਾਂ ਆਸਰੇ,
ਹੁਣ ਤੱਕ ਖਾਂਦੇ ਖੱਟੀ ਉਹਨਾਂ ਹੀ ਦਲਾਲੀਆਂ ਦੀ

ਖਾਕੀ ਵਰਦੀ ਤੋਂ ਬਿਨਾਂ ਗੁੰਡਿਆਂ ਦਾ ਆਸਰਾ ਸੀ,
ਪੇਸ਼ ਨਹੀਂ ਸੀ ਗਈ ਤਾਹੀਂ ਹਾਲੀਆਂ ਤੇ ਪਾਲੀਆਂ ਦੀ

ਫੁੱਲ ਤੋੜਨੇ ਤੋਂ ਜਿਥੇ ਮਨਾਂ ਕੀਤਾ ਡਾਢਿਆਂ ਨੂੰ,
ਲਥੀ ਦਸਤਾਰ ਉਸ ਬਾਗ ਦਿਆਂ ਮਾਲੀਆਂ ਦੀ

ਜਿਹਨਾਂ ਨਾਲ ਬੰਨ ਬੰਨ ਮਾਰੇ ਸਨ ਸੂਰਮੇ,
ਜੜ ਪੱਟੀ ਬਾਦਲਾਂ ਨੇ ਕਿੱਕਰਾਂ ਤੇ ਟਾਹਲੀਆਂ ਦੀ

ਛਤਰੀ ਦੇ ਨਾਲ ਆਗੂ ਚੋਣਾਂ ਚ ਉਤਾਰਦੇ ਸੀ,
ਤੂਤੀ ਫੇਰ ਬੋਲਦੀ ਸੀ ਸਾਲਿਆਂ ਤੇ ਸਾਲੀਆਂ ਦੀ

ਮੁਫਤ ਦੀ ਲੱਕੜੀ ਨਾ ਸੁੱਟੀ ਜਾਵੋ ਧੂਣੀਆਂ ਤੇ,
ਕਰੋ ਰੀਸ ਇੱਕ ਵਾਰੀ ਲਾਲੇ ਅਤੇ ਲਾਲੀਆਂ ਦੀ

ਸੰਪਰਕ:  0061 469 976214

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ