Fri, 07 May 2021
Your Visitor Number :-   4702968
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਦਰਦ - ਪਲਵਿੰਦਰ ਸੰਧੂ

Posted on:- 30-05-2015

suhisaver

ਅੱਖਾਂ ’ਤੇ ਹੱਥਾਂ ਦੀ ਛਾਂ ਕਰ
ਗੁਆਚੇ ਰਾਹਾਂ ’ਤੇ ਪੁੱਤ ਲੱਭਦੀਆਂ
ਮਾਵਾਂ ਨਿਗ੍ਹਾ ਵਿਹੂਣੀਆਂ ਹੋ ਗਈਆਂ ।
 
ਪੁੱਤ, ਜਿਹੜੇ ਹਿਜਰਤਾਂ ਕਰਕੇ
ਚਾਨਣ ਲੱਭਣ ਗਏ
ਰੌਸ਼ਨੀਆਂ ਦੇ ਦੇਸ਼ ’ਚੋਂ
ਹੋ ਗਏ ਨਿਲਾਮ ਹਨੇਰਿਆਂ ਹੱਥੋਂ ।
 
ਪਰਤਣ ਦੀ ਉਡੀਕ
ਘਰਾਂ ਨੂੰ ਲਾ ਗਈ ਡੀਕ
ਹੁਣ ਕਿੱਥੇ ਭੁਰਦੀਆਂ ਕੰਧਾਂ
ਬੰਨ੍ਹਾਉਂਦੀਆਂ ‘ਧੀਰਜ’ ਮਾਂ ਦੀ ਬੇਵਸੀ ਦਾ ।
 
ਉਦਰੇਵਿਆਂ ਦੀ ਜੂਨ ਹੰਢਾਉਂਦੇ ‘ਘਰ’
ਵਿਗੋਚਿਆਂ ਦੀ ਮੌਤ ਮਰਦੇ
ਸੱਖਣੇ ਹੋਏ ਵਿਹੜੇ ਰੋਜ਼
ਲਪੇਟੇ ਜਾਂਦੇ ਦੁੱਖਾਂ ਦੇ ਵਰੋਲਿਆਂ ’ਚ ।

ਝੁਕੇ ਮੌਰਾਂ ’ਚ ਕਿੱਥੇ ਦਮ
ਮਰੀਆਂ ਰੀਝਾਂ ਨੂੰ ਮੋਢੇ ਦੇਣ ਦਾ
ਜਿਨ੍ਹਾਂ ਨੂੰ ਕਧੇੜਿਆਂ ’ਤੇ ਹੋਵੇ ਪਾਲਿਆ ।
 
ਮੇਲਿਆਂ ਦੀ ਭੀੜ ਤੋਂ ਉਂਗਲ ਫੜ
ਬਚਾ ਲੈਂਦੇ ਸੀ ਪੁੱਤਾਂ ਨੂੰ ਵਿਛੜਣ ਤੋਂ
ਉਡਾਰ ਹੋਏ ਬੋਟ
ਆਲ੍ਹਣਿਆਂ ਦਾ ਵਿਸਥਾਰ ਲੱਭਦੇ
ਹੁਣ ਕਿੱਥੋਂ ਲੱਭਣ ।
 
 
ਉਜੜੇ ਬਾਗਾਂ ਅੰਦਰ
ਕਦੋਂ ਫੁੱਟੇਗੀ
ਆਸ ਦੀ ਕਚੂਰ ‘ਲਗਰ’
ਬਸ ਇੰਤਜ਼ਾਰ ਹੈ
ਧੁੰਦਲੇ ਮੌਸਮਾਂ ਦੇ ਉਹਲੇ ਹੋਏ
ਸੂਰਜ ਦੇ ਉੱਗਣ ਦਾ ।

ਸੰਪਰਕ: +91 98109 14840

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ