Sun, 05 April 2020
Your Visitor Number :-   2446615
SuhisaverSuhisaver Suhisaver
ਸੂਹੀ ਸਵੇਰ ਦਾ ਸਾਲਾਨਾ ਸਮਾਗਮ 9 ਫਰਵਰੀ ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ               ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਹੀਂ ਰਹੇ              

ਨੈਣਾ ’ਚ ਸਵਾਲ ਨੇ -ਮਲਕੀਅਤ “ਸੁਹਲ’

Posted on:- 10-06-2015

suhisaver

ਹਿਜ਼ਰਾਂ ਦੀ ਪੀੜ ਵਾਲੇ,ਨੈਣਾ ‘ਚ ਸਵਾਲ ਨੇ।
ਅੱਖ਼ੀਆਂ ’ਚ ਹੰਝੂ ਵੀ , ਬੜੇ ਬੇ-ਮਿਸਾਲ ਨੇ।

ਅੰਬਰ ’ਚੋਂ ਟੁੱਟਾ ਤਾਰਾ ਦਿਲ ਸੀ ਅਕਾਸ਼ ਦਾ।
ਸੁਪਨੇ ‘ਚ ਮਿਲ ਜਾ, ਪਤਾ ਨਹੀਂ ਸਵਾਸ ਦਾ।
ਤੂੰ ਇਕ ਵਾਰੀ ਪੁਛ ਮੈਨੂੰ , ਕੀ ਤੇਰੇ ਹਾਲ ਨੇ,
ਹਿਜ਼ਰਾਂ ਦੀ ਪੀੜ ਵਾਲੇ,ਨੈਣਾ ‘ਚ ਸਵਾਲ ਨੇ।

ਨੀਂਦ ਨਾ ਆਵੇ ਚੰਨਾ,ਲਵਾਂ ਅੰਗੜਾਈਆਂ ਵੇ।
ਵੰਗਾਂ ਸਤਰੰਗੀਆਂ,ਪਉਂਦੀਆਂ ਦੁਹਾਈਆਂ ਵੇ।
ਦਿਲ ਵਿਚ ਹਉਕਿਆਂ ਦੇ, ਉੱਠਦੇ ਉਬਾਲ ਨੇ,
ਅੱਖੀਆਂ ‘ਚ ਹੰਝੂ ਵੀ , ਬੜੇ ਬੇ-ਮਿਸਾਲ ਨੇ।

ਬਿਰਹਾ ਦੀ ਪੀੜ ਹੁਣ, ਝੱਲੀ ਨਹੀਂ ਜਾਂਵਦੀ।
ਸੱਜਣਾ ਵੇ ਯਾਦ ਤੇਰੀ, ਵੱਢ੍ਹ - ਵੱਢ੍ਹ ਖਾਂਵਦੀ।
ਇਕ- ਇਕ ਦਿਨ ਕਰ, ਬੀਤ ਗਏ ਸਾਲ ਨੇ,
ਨੈਣਾਂ ਵਿਚ ਹੰਝੂ ਵੀ ਤਾਂ, ਬੜੇ ਬੇ-ਮਿਸਾਲ ਨੇ।

ਮੱਸਿਆ ਦੀ ਰਾਤ ਵਾਂਗ,ਪੈ ਗਿਆ ਹਨੇਰਾ ਵੇ।
ਮਿਲ ਜਾ ਤੂੰ ਆ ਕੇ ਚੰਨਾਂ ਹੋ ਜਾਊ ਸਵੇਰਾ ਵੇ।
“ਸੁਹਲ” ਤੇਰੇ ਲਾਰੇ ਵੇਖੇ,ਬੜੇ ਹੀ ਕਮਾਲ ਨੇ,
ਹਿਜ਼ਰਾਂ ਦੀ ਪੀੜ ਵਾਲੇ ,ਨੈਣਾ ‘ਚ ਸਵਾਲ ਨੇ।

ਸੰਪਰਕ: +91 9872 848610

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ