Fri, 15 November 2019
Your Visitor Number :-   1884856
SuhisaverSuhisaver Suhisaver
ਕਰਤਾਰਪੁਰ ਲਾਂਘਾ ਸਮਝੌਤੇ 'ਤੇ ਦਸਤਖਤ, ਆਨਲਾਈਨ ਰਜਿਸਟ੍ਰੇਸ਼ਨ ਸ਼ੁਰੂ               ਕਣਕ ਦੇ ਭਾਅ 'ਚ 85 ਰੁਪਏ ਦਾ ਵਾਧਾ              

ਗ਼ਜ਼ਲ - ਸੁਖਵਿੰਦਰ ਸਿੰਘ ਲੋਟੇ

Posted on:- 24-08-2015

suhisaver

ਨਜ਼ਰ ਤੁਸੀਂ ਜਦ ਮਾਰੀ, ਸ਼ੀਸਾ ਤਿੜਕ ਗਿਆ।
ਤਿੜਦਾ ਤਿੜਦਾ ਲੈ ਕੇ ਸਾਰੀ ਵਿੜਕ ਗਿਆ।

ਤੇਰਾ ਦੱਬੇ ਪੈਰੀਂ ਆਉਣਾ ਚੰਗਾ ਸੀ,
ਜਾਂਦੇ ਭਗਦੜ ਮੱਚੀ, ਤਖ਼ਤਾ ਖੜਕ ਗਿਆ।

ਖੁਸ਼ੀਆਂ ਦੇ ਵਿੱਚ ਹੋਸ਼ ਗਵਾਈ ਬੈਠੇ ਸੀ,
ਐਸਾ ਲੱਕ ਹਿਲਾਇਆ ਗਿੱਟਾ ਮੜਕ ਗਿਆ।

ਕਹਿੰਦੀ ਸੀ ਤੂੰ ਲੜ ਤੇਰੇ ਮੈਂ ਲੱਗੂੰ ਗੀ,
ਵੇਖ ਅਸਾਂ ਨੂੰ ਬਾਪੂ ਤੇਰਾ ਭੜਕ ਗਿਆ।

ਯਾਰ ਪਿਆਰਾ ਆਇਆ ਲੋਕੀ ਤਕਦੇ ਸੀ,
ਡਰਿਆ ਨੀ ਉਹ ਤੁਰਿਆ ਸੜਕੋ ਸੜਕ ਗਿਆ।

ਓਸ ਚੁਬਾਰੇ ਵਿੱਚੋਂ ਜਦ ਉਹ ਤਕਦਾ ਸੀ,
ਨੈਣੀਂ ਸਾਨੂੰ ਤੜਕੇ ਵਾਂਗੂੰ ਤੜਕ ਗਿਆ।

ਹੁਸਨ ਤਿਰੇ ਦਾ ਜਾਦੂ ਲੋਕੀ ਮਨਦੇ ਨੇ,
ਜਿਸ ਨੇ ਤੈਨੂੰ ਤਕਿਆ ਉੱਥੀ ਅੜਕ ਗਿਆ।

ਵਿੱਚ ਜਵਾਨੀ ਕੰਧਾਂ ਕੌਲੇ ਟਪਦੇ ਸੀ,
ਬੁੱਢੇ ਵੇਲੇ ‘ਲੋਟੇ‘ ਪਿੰਜਰ ਖੜਕ ਗਿਆ।

ਸੰਪਰਕ: +91 94177 73277

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ