Fri, 17 August 2018
Your Visitor Number :-   1462538
SuhisaverSuhisaver Suhisaver
ਕੇਰਲਾ 'ਚ ਭਾਰੀ ਬਾਰਸ਼ ਨਾਲ ਹੁਣ ਤੱਕ 67 ਤੋਂ ਵੱਧ ਮੌਤਾਂ               ਅਟਲ ਬਿਹਾਰੀ ਵਾਜਪਾਈ ਦੀ ਤਬੀਅਤ ਹੋਰ ਵਿਗੜੀ               ਸਾਬਕਾ ਭਾਰਤੀ ਕ੍ਰਿੱਕਟਰ ਅਜੀਤ ਵਾਡੇਕਰ ਦਾ ਦੇਹਾਂਤ              

ਤੇਰੀ ਮਾਂ ਤੇ ਮੇਰੀ ਮਾਂ - ਰਮੇਸ਼ ਸੇਠੀ ਬਾਦਲ

Posted on:- 08-09-2016

suhisaver

ਤੇਰੀ ਮਾਂ ਵਰਗੀ ਹੀ ਸੀ
ਮੇਰੀ ਮਾਂ।
ਸਾਗੀ ਓਹੋ ਜਿਹੀ।
ਓਹੀ ਪਿਆਰ ,
ਤੇ ਮਿੱਠੀ ਝਿੜਕ।

ਗੁੱਸੇ ਹੁੰਦੀ ਤੇ ਚੁੱਪ ਕਰ ਜਾਂਦੀ।
ਅੱਖਾਂ ਵੇਖਕੇ ਸਭ ਸਮਝ ਜਾਂਦੇ।
ਮਾਂ ਦੀ ਅਣਕਹੀ ਭਾਸ਼ਾ।

ਰੁੱਸਿਆਂ ਨੂੰ ਮਨਾਉਂਦੀ।
ਪਾਟਿਆਂ ਨੂੰ ਸਿਆਉਂਦੀ।
ਭੁੱਖਿਆਂ ਨੂੰ ਖਵਾਉਂਦੀ।

ਰੋਟੀ ਨਾਲ ਕਾਹਦਾ ਗੁੱਸਾ।
ਲੈ ਪੁੱਤ ਖਾ ਲਾ।
ਅੰਨ ਦਾ ਅਪਮਾਨ ਨਹੀਂ ਕਰੀਦਾ।

ਹਰ ਤਿਉਹਾਰ ਮਨਾਉਂਦੀ।
ਅੱਠੇ ਦੀਆਂ ਕੜਾਹੀਆਂ,
ਗੁੱਗੇ ਦੀਆਂ ਸੇਵੀਆਂ।
ਕੱਚੀ ਲੱਸੀ ਦਾ ਛਿੱਟਾ
ਸੱਚੀ ਬਹੁਤ ਔੜ ਪੌੜ ਕਰਦੀ।

ਬੱਚਿਆਂ ਦੀ ਸੁੱਖ ਭਾਲਦੀ।
ਸੱਚੀ ਮੇਰੀ ਮਾਂ ,
ਤੇਰੀ ਮਾਂ ਵਰਗੀ ਸੀ।
ਸਾਗੀ ਉਹੋ ਜਿਹੀ।

ਇੱਕੋ ਜਿਹੀਆਂ ਹੀ ਕਿਉਂ ਹੁੰਦੀਆਂ ਹਨ
ਇਹ ਸਾਰੀਆਂ ਮਾਂਵਾਂ।
ਤੁਰ ਜਾਣ ਤੋਂ ਬਾਅਦ ।
ਫਿਰ ਨਹੀਂ ਆਉਂਦੀਆਂ।
ਤੇ ਭੁੱਲਦੀਆਂ ਵੀ ਨਹੀਂ ।
ਇਹ ਮਾਂਵਾਂ।

ਸੰਪਰਕ: +91 98766 27233

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ