Wed, 18 September 2019
Your Visitor Number :-   1807529
SuhisaverSuhisaver Suhisaver
ਗਣਪਤੀ ਵਿਸਰਜਨ ਦੌਰਾਨ ਵੱਖ-ਵੱਖ ਥਾਵਾਂ 'ਤੇ ਡੁੱਬਣ ਨਾਲ 33 ਮੌਤਾਂ               ਚਿਦੰਬਰਮ ਦੀ ਆਤਮ-ਸਮਰਪਣ ਦੀ ਪਟੀਸ਼ਨ ਖ਼ਾਰਜ              

ਅੱਧ ਖ਼ਿੜਿਆ ਫ਼ੁੱਲ - ਡਾ. ਤਿੱਬੜੀ

Posted on:- 05-09-2013



(ਕਰਾਟੇ ਗੋਲਡ ਮੈਡਲਿਸਟ ਗ਼ਜ਼ਲ ਸੈਣੀ ਦੀ 26 ਅਗਸਤ, 2013 ਨੂੰ ਅਚਾਨਕ ਮੌਤ ’ਤੇ )

ਲਾਡ-ਲਡਿੱਕੀ ਗ਼ਜ਼ਲ ਪਿਆਰੀ ।
ਸੁਹਲ ਫ਼ੁੱਲਾਂ ਭਰੀ ਕਿਆਰੀ ।  

ਤਿੱਤਲੀਆਂ ਨੇ ਝੁਰਮਟ ਪਾਇਆ
ਪਰੀਆਂ ਤੋਂ ਵੀ ਲਗੇ ਨਿਆਰੀ ।

ਗੱਗਾ ਜ਼ਿਜ਼ਾ ਲੱਲਾ ਅੱਖ਼ਰ
ਨਾ ਹੋੜਾ, ਨਾ ਸਿਹਾਰੀ ਬਿਹਾਰੀ ।

ਉੱਚੀਆਂ-ਸੁੱਚੀਆਂ ਸੋਚਾਂ ਵਾਲੀ
ਰੱਬ ਨੇ ਉਸਦੀ ਰੂਹ ਨਿਖ਼ਾਰੀ ।

ਗੰਦਲ ਵਰਗੀ ਲਗਰ ਜਿਹੀ
ਜਿਉਂ ਮਾਸਾਹਾਰੀ- ਸ਼ਾਕਾਹਾਰੀ ।



ਨੱਚਣ ਕੁੱਦਣ ਉਸਦੇ ਚਾਅ
ਜਿੱਤ ਕੇ ਆਵੇ ਕਦੇ ਨਾ ਹਾਰੀ ।

ਉਡਣੇਂ ਸੱਪ ਦੇ ਵਾਂਗਰ ਉਡਦੀ
ਹਰ ਥਾਂ ਜਾਏ ਮੱਲਾਂ ਮਾਰੀ ।

ਘਰ ਦਾ ਬਣਿਆਂ ਖਾਣਾ ਖਾਵੇ
ਖਾਵੇ ਨਾ ਕੋਈ ਚੀਜ਼ ਬਜ਼ਾਰੀ ।

ਚਾਅ ਪੜ੍ਹਨ ਦਾ ਐਸਾ ਚੜ੍ਹਿਆ
ਨੰਬਰਾਂ ਦੀ ਭਰ ਲਏ ਪਟਾਰੀ ।

ਸੋਨ ਤਮਗੇ ਜਿੱਤਣ ਵਾਲੀ
ਸਾਡੀ ਸੀ ਉਹ ਗ਼ਜ਼ਲ ਵਿਚਾਰੀ ।

ਮਾਂ ਪਿਉ ਦੀ ਮਾਣਮਤੀ ਸੀ
ਦਾਦੇ ਜੀ ਦੀ ਰਾਜ ਦੁਲਾਰੀ ।

ਬਿਜਲੀ ਵਾਂਗਰ ਫ਼ੁਰਤੀ ਉਹਦੀ
ਘਰ ਅਪਣੇ ਦੀ ਚੜ੍ਹੀ ਖ਼ੁਮਾਰੀ ।

ਛੋਟੀ ਉਮਰ ਸੀ ਲੰਮਾਂ ਪੈਂਡਾ
ਸ਼ਫ਼ਰ ਉਸ ਦਾ ਰਹਿੰਦਾ ਜਾਰੀ ।

ਵਿਹੜਾ ਖ਼ੁਸ਼ੀਆਂ ਭਰਿਆ ਹੁੰਦਾ
ਚਾਵਾਂ ਦੇ ਵਿਚ ਰਹੇ ਸ਼ਿੰਗਾਰੀ ।

ਅੱਧ-ਖ਼ਿੜਿਆ ਫ਼ੁੱਲ ਟੁੱਟਾ ਡਾ੍ਹਲੋਂ
ਝੱਟ ‘ਚ ਉਹਦੀ ਹੋਈ ਤਿਆਰੀ ।

ਮੌਤ ਕੁਲਹਿਣੀਂ ਐਸੀ ਆਈ
ਖੋਹ ਕੇ ਲੈ ਗਈ ਮਾਰ ਉਡਾਰੀ ।

ਸੰਪਰਕ: +91 98728 48610

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ