ਫਰਾਂਸੀਸੀ ਪੱਤ੍ਰਿਕਾ ਨੇ ਛਾਪੇ ਮੁਹੰਮਦ ਸਾਹਿਬ ਦੇ ਇਤਰਾਜ਼ਯੋਗ ਕਾਰਟੂਨ
Posted on:- 21-09-2012
ਫਰਾਂਸ ਦੀ ਇੱਕ ਪੱਤ੍ਰਿਕਾ ‘ਚਾਰਲੀ ਹੇਬਡੋ’ ਨੇ ਇਸਲਾਮ ਦੇ ਬਾਨੀ ਹਜ਼ਰਤ ਮੁਹੰਮਦ ਸਾਹਿਬ ਨਾਲ ਸੰਬੰਧਤ ਇਤਰਾਜ਼ਯੋਗ ਕਾਰਟੂਨ ਛਾਪ ਕੇ ਬਲਦੀ ਵਿੱਚ ਤੇਲ ਪਾਉਣ ਦਾ ਕੰਮ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਹਜ਼ਰਤ ਮੁਹੰਮਦ ਸਾਹਿਬ ’ਤੇ ਬਣਾਈ ਵਿਵਾਦਿਤ ਫਿਲਮ ਨੂੰ ਲੈ ਕੇ ਵਿਸ਼ਵਭਰ ਵਿੱਚ ਮੁਸਲਿਮ ਭਾਈਚਾਰੇ ਵੱਲੋਂ ਇਸ ਦੇ ਖ਼ਿਲਾਫ਼ ਰੋਸ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ।
ਫਰਾਂਸ ਸਰਕਾਰ ਨੇ ਇਸ ਕਾਰਵਾਈ ਦੀ ਨਿਖੇਧੀ ਕਰਦਿਆਂ ਸਾਵਧਾਨੀ ਵਜੋਂ ਸੁਰੱਖਿਆ ਵਧਾ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਇਸਲਾਮ ਦੇ ਬਾਨੀ ਵਿਰੁੱਧ ਬਣਾਈ ਵਿਵਾਦਿਤ ਫਿਲਮ ਕਾਰਨ ਲਿਬੀਆ ਵਿੱਚ ਅਮਰੀਕੀ ਸਫਾਰਤਖਾਨੇ ’ਤੇ ਹਮਲਾ ਕੀਤਾ ਗਿਆ, ਜਿਸ ਵਿੱਚ ਅਮਰੀਕੀ ਸਫੀਰ ਦੀ ਮੌਤ ਹੋ ਗਈ ਸੀ ਅਤੇ ਇਸ ਤੋਂ ਬਾਅਦ ਅਫਗਾਨਿਸਤਾਨ ਵਿੱਚ ਅਮਰੀਕੀ ਸਫਾਰਤਖ਼ਾਨੇ ਉੱਤੇ ਆਤਮਘਾਤੀ ਬੰਬਾਰ ਦੁਆਰਾ ਹਮਲੇ ਵਿੱਚ ਭਾਰੀ ਜਾਨੀ-ਮਾਲੀ ਨੁਕਸਾਨ ਹੋ ਚੁੱਕਾ ਹੈ।
ਪੱਤ੍ਰਿਕਾ ਵਿੱਚ ਇਸਲਾਮ ਦੇ ਬਾਨੀ ਦਾ ਅਨੇਕਾਂ ਕਾਰਟੂਨ ਛਾਪ ਕੇ ਮਜ਼ਾਕ ਬਣਾਇਆ ਗਿਆ ਹੈ, ਜਿਸ ਸੰਬੰਧੀ ਪੱਤ੍ਰਿਕਾ ਦੇ ਸੰਪਾਦਕੀ ਅਮਲੇ ਦਾ ਕਹਿਣਾ ਹੈ ਕਿ ਉਨ੍ਹਾਂ ਉਸ ਸੰਬੰਧੀ ਬਣੀ ਫਿਲਮ ’ਤੇ ਮਜ਼ਾਕੀਆ ਟਿੱਪਣੀਆਂ ਕੀਤੀਆਂ ਹਨ।
Eloy Speed
The day before yesterday I received a message that I need to pick up my prize. But I lost the email with the data to access the site. How do I restore access? >>> https://cutt.us/PsaQo