ਵਰ੍ਹਿਆਂ ਪਿੱਛੋਂ ਖ਼ੁਦ ਦੇ ਕੋਲ ਬੈਠਾ ਹਾਂ
ਕੀ ਦੱਸਾਂ ਕੀ ਕੀ ਫਰੋਲ ਬੈਠਾ ਹਾਂ
ਅਰਥ ਤਾਂ ਹੋਵੇ ਕੋਈ ਮਕਸਦ ਵੀ ਹੋਵੇ
ਮੈਂ ਜਵਾਨੀ ਇੰਞ ਹੀ ਰੋਲ ਬੈਠਾ ਹਾਂ
ਤੇਰੀ ਮਰਜ਼ੀ ਤੂੰ ਗਿਲਾ ਕਰ ਜਾਂ ਸਜ਼ਾ ਦੇ
ਦਿਲ ਨੂੰ ਤੇਰੇ ਅੱਗੇ ਖੋਲ ਬੈਠਾ ਹਾਂ
ਪਿਆਰ ਦਾ ਤੇ ਵਣਜ ਦਾ ਨ੍ਹੀਂ ਮੇਲ ਹੁੰਦਾ
ਦਿਲ ਨੂੰ ਕੀਹਦੇ ਨਾਲ ਤੋਲ ਬੈਠਾ ਹਾਂ
ਹੋ ਸਕੇ ਤਾਂ ਮਾਫ਼ ਕਰ ਦੇਵੀਂ ਤੂੰ ਮੈਨੂੰ
ਅੱਜ ਪਤਾ ਨ੍ਹੀਂ ਕੀ ਕੀ ਬੋਲ ਬੈਠਾ ਹਾਂ
ਕੀ ਪਤਾ ਇਹ ਜ਼ਖ਼ਮ ਕਦ ਨਾਸੂਰ ਬਣਿਆ
ਦਰਦ ਦਿਲ ਦੇ ਵਿਚ ਘੋਲ ਬੈਠਾ ਹਾਂ
ਈ-ਮੇਲ: parmindersinghaziz@gmail.com
ਆਰ.ਬੀ.ਸੋਹਲ
ਬਹੁੱਤ ਖੂਬਸੂਰਤ ਲਿਖਿਆ ਪਰਮਿੰਦਰ ਜੀ..............