ਗਜ਼ਲ਼ -ਬਲਦੇਵ ਸਿੰਘ ਜਕੜੀਆ
Posted on:- 01-05-2015
ਬਹੁਤ ਕੁਝ ਕਹਿ ਲਿਆ, ਕਿ ਹੁਣ ਮੈਂ ਚੁੱਪ ਹਾਂ ।
ਕੁਝ ਵੀ ਨਾ ਸਵਰਿਆ, ਕਿ ਹੁਣ ਮੈਂ ਚੁੱਪ ਹਾਂ ।
ਬਣਾ ਦੇਣਾ ਹੈ ਸਵਿਟਜਰਲੈਂਡ ਪੰਜਾਬ ਨੂੰ ,
ਜੁਮਲਾ ਹੀ ਬਣ ਗਿਆ, ਕਿ ਹੁਣ ਮੈਂ ਚੁੱਪ ਹਾਂ ।
ਦਰਿਆਵਾਂ ਵਿੱਚ ਹੁਣ ਬੱਸਾਂ ਚੱਲ ਪੈਣੀਆਂ ,
ਇਹ ਮੈਂ ਕੀ ਸੁਣ ਲਿਆ, ਕਿ ਹੁਣ ਮੈਂ ਚੁੱਪ ਹਾਂ ।
ਮੇਰੇ ਵੀ ਮੂੰਹ ਵਿੱਚ ਇੱਕ ਜ਼ੁਬਾਨ ਹੈ ,
ਪਰ ਨਾ ਮੈਂ ਕੁਝ ਕਿਹਾ, ਕਿ ਹੁਣ ਮੈਂ ਚੁੱਪ ਹਾਂ ।
ਆ ਜਾਣੇ ਨੇ ਟਰੱਕ ਭਰ ਕੇ ਨੋਟ ਦਿੱਲੀਓਁ ,
ਇਹ ਸਭ ਹੋ ਕੀ ਰਿਹਾ, ਕਿ ਮੈਂ ਹੁਣ ਚੁੱਪ ਹਾਂ ।
ਈ-ਮੇਲ: dev.2006@hotmail.com
hs
nice