ਰੰਗ ਲੱਗ ਜਾਵਣਗੇ - ਸੁੱਚੀ ਕੰਬੋਜ ਫਾਜ਼ਿਲਕਾ
Posted on:- 22-05-2016
ਤੂੰ ਸ਼ੁਕਰ ਮਨਾਇਆ ਕਰ, ਤੈਨੂੰ ਰੰਗ ਲੱਗ ਜਾਵਣਗੇ,
ਦਰ ਦਾਤਾ ਦੇ ਜਾਇਆ ਕਰ, ਤੈਨੂੰ ਰੰਗ ਲੱਗ ਜਾਵਣਗੇ ।
ਆਪਾ ਅਰਪਣ ਕਰ ਦੇ ਤੂੰ, ਕਿਉਂ ਹਊਮੈ ਚ ਸੜਦਾ ਹੈ ਤੂੰ,
ਚੌਂਕੀ ਦਰ ਦੀ ਭਰ ਲੈ ਤੂੰ, ਤੈਨੂੰ ਰੰਗ ਲੱਗ ਜਾਵਣਗੇ ।
ਦਿੰਦਾ ਰੂਹ ਨੂੰ ਠੰਡਕ ਆ, ਸੋਹਣਾ ਨਾ ਹੈ ਨਾਨਕ ਦਾ,
ਵਾਰੋ ਵਾਰ ਧਿਆਇਆ ਕਰ, ਤੈਨੂੰ ਰੰਗ ਲੱਗ ਜਾਵਣਗੇ ।
ਦਾਤਾ ਦੇ ਲੰਗਰ ਵਿੱਚ ਤੇ , ਰਹਿਮਤ ਹੀ ਰਹਿਮਤ ਹੈ,
ਰੱਜ ਰੱਜ ਕੇ ਤੂੰ ਖਾਇਆ ਕਰ, ਤੈਨੂੰ ਰੰਗ ਲੱਗ ਜਾਵਣਗੇ ।
ਸਰਬੰਸ ਨੂੰ ਵਾਰਿਆ ਸੀ, ਉਸ ਜਗ ਨੂੰ ਤਾਰਿਆ ਸੀ,
ਨਾਹਰਾ ਫਤਿਹ ਦਾ ਲਾਇਆ ਕਰ, ਤੈਨੂੰ ਰੰਗ ਲੱਗ ਜਾਵਣਗੇ ।
ਤੇਰਾ ਫਾਇਦਾ ਗੱਲ ਮੰਨ ਲੈ, ਦਿਲ ਰੰਗ ਵਿੱਚ ਉਹਦੇ ਰੰਗ ਲੈ,
ਗੀਤ ਦਾਤਾ ਦੇ ਗਾਇਆ ਕਰ, ਤੈਨੂੰ ਰੰਗ ਲੱਗ ਜਾਵਣਗੇ ।
ਕਿਉਂ ਦੌਲਤ ਲਈ ਲੜਦਾ ਹੈ, ਕਿਉਂ ਮੇਰੀ ਮੇਰੀ ਕਰਦਾ ਹੈ,
ਤੇਰਾ ਤੇਰਾ ਗਾਇਆ ਕਰ, ਤੈਨੂੰ ਰੰਗ ਲੱਗ ਜਾਵਣਗੇ ।
ਈਮੇਲ-suchie.camboz@gmail.com