Wed, 13 November 2019
Your Visitor Number :-   1877934
SuhisaverSuhisaver Suhisaver
ਕਰਤਾਰਪੁਰ ਲਾਂਘਾ ਸਮਝੌਤੇ 'ਤੇ ਦਸਤਖਤ, ਆਨਲਾਈਨ ਰਜਿਸਟ੍ਰੇਸ਼ਨ ਸ਼ੁਰੂ               ਕਣਕ ਦੇ ਭਾਅ 'ਚ 85 ਰੁਪਏ ਦਾ ਵਾਧਾ              

ਇਕਬਾਲ ਦੀਆਂ ਦੋ ਗ਼ਜ਼ਲਾਂ

Posted on:- 14-06-2012



ਬੜੇ ਲੁਭਾਉਣੇ ਲਫ਼ਜ਼

ਬੜੇ ਲੁਭਾਉਣੇ ਲਫ਼ਜ਼ਾਂ ਦੇ ਸੰਗ ਮਸ਼ਕਰੀ ਕੀਤੀ ਗਈ
ਸਾਡੇ ਚਾਵਾਂ ਦੀ ਸਾਥੋਂ ਪੁੱਛ ਤਸਕਰੀ ਕੀਤੀ ਗਈ
 
ਮੈਂ ਤਾਂ ਤੇਰੀ ਅੱਖ ਦੇ ਉੱਠਣ ’ਤੇ ਹੀ ਸਾਂ ਉੱਠਿਆ,
ਜਾਣ ਲਈ ਕਹਿਕੇ ਜ਼ਬਾਂ ਕਿਉਂ ਕਿਰਕਰੀ ਕੀਤੀ ਗਈ
 
ਜਾਣਕੇ ਵੀ ਕਿਉਂ ਭਲਾ ਉਸ ਨੂੰ ਬੁਲਾਇਆ ਜਾਣਕੇ,
ਰੋਗ ਬਣਕੇ ਬਹਿ ਗਈ ਗੱਲ ਸਰਸਰੀ ਕੀਤੀ ਗਈ
 
ਤੇਰੇ ਚੜ੍ਹ ਗਏ ਤੇਵਰਾਂ ਦੀ ਝਲਕ ਪਾਉਣ ਦੇ ਲਈ,
ਦਿਲ ਦੇ ਨਾ ਚਾਹੁਣ ’ਤੇ ਵੀ ਭੁੱਲ ਆਖਰੀ ਕੀਤੀ ਗਈ
 
ਯਾਦ ਸੀ ਇੱਕ, ਸਾਲ ਕਈ ਸਨ, ਸੋਗ ਸੀ ਤੇਰੇ ਬਿਨਾਂ,
ਤੂੰ ਕੀ ਜਾਣੇ ਕਿੰਝ ਸ਼ੁਰੂ ਮੁੜ ਜਨਵਰੀ ਕੀਤੀ ਗਈ
 
ਸ਼ਾਹਾਂ ਦਾ ਸ਼ਾਹ ਸੀ, ਬਾਦਸ਼ਾਹ ਸੀ ਖ਼ਲਕ ਦਾ, ਬੌਨਾ ਜਿਹਾ,
ਸਾਗਰ ’ਚੋਂ ਕੱਢਕੇ ਜਿਸ ਨੂੰ ਭੇਟਾ ਜਲਪਰੀ ਕੀਤੀ ਗਈ |

ਤੇਰੇ ਸ਼ਹਿਰ ਦੀ

ਅੱਥਰੀ ਹੋਈ ਹਵਾ ਹੈ ਅੱਜ ਤੇਰੇ ਸ਼ਹਿਰ ਦੀ
ਹਰ ਸ਼ੈਅ ਬਣੀ ਖ਼ੁਦਾ ਹੈ ਅੱਜ ਤੇਰੇ ਸ਼ਹਿਰ ਦੀ
 
ਤੋਲਾ ਤੋਲੇ ਤੋਲ ਤਦ ਹੀ ਮਾਸਾ ਕਰ ਦੇਵੇਂ,
ਅੱਖ ਵੀ ਬਣੀ ਬਲਾ ਹੈ ਅੱਜ ਤੇਰੇ ਸ਼ਹਿਰ ਦੀ
 
ਤੇਰੀ ਤਰਫ਼ ਤੁਰਾਂ ਤਾਂ ਤੁਰਨ ਦਿੰਦੀ ਜ਼ਰਾ ਨਹੀਂ,
ਚੜਦੀ ਕੇਹੀ ਘਟਾ ਹੈ ਅੱਜ ਤੇਰੇ ਸ਼ਹਿਰ ਦੀ
 
ਸੋਚਾਂ ਸੁਚੱਜੀਆਂ ਸਭੇ ਸਮਸ਼ਾਨ ਸੁੱਟੀਆਂ,
ਬਿਫਰੀ ਹੋਈ ਕਜ਼ਾ ਹੈ ਅੱਜ ਤੇਰੇ ਸ਼ਹਿਰ ਦੀ
 
ਕੈਦ ਕਮਰੇ ਕੀਤੀਆਂ ਕੰਜਕਾਂ ਕੁਆਰੀਆਂ,
ਲਗਦੀ ਖ਼ਫਾ ਹਿਨਾ ਹੈ ਅੱਜ ਤੇਰੇ ਸ਼ਹਿਰ ਦੀ
 
ਰਸਤੇ ਰੁਕੇ ਰੁਕੇ ਨੇ ਤੇ ਰੰਗ ਰਾਗ ਰੋਂਵਦੇ,
ਜ਼ਿੰਦਗੀ ਖ਼ਤਾ ਖ਼ਤਾ ਹੈ ਅੱਜ ਤੇਰੇ ਸ਼ਹਿਰ ਦੀ
 
ਗੁਲ ਗੁਲਾਬੀ 'ਗਿੱਲ' ਗੁਲਦਸਤੇ ਗੁਆਚ ਗਏ,
ਸੁਨਸਾਨ ਜਿਹੀ ਸਭਾ ਹੈ ਅੱਜ ਤੇਰੇ ਸ਼ਹਿਰ ਦੀ

Comments

ਇਕਬਾਲ

ਸ਼ੁਕਰੀਆ ਸ਼ਿਵ ਇੰਦਰ ਵੀਰ ਰਚਨਾਵਾਂ ਪੋਸਟ ਕਰਨ ਹਿੱਤ

Jasvir Manuela

Very good

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ