Fri, 28 February 2020
Your Visitor Number :-   2398866
SuhisaverSuhisaver Suhisaver
ਸੂਹੀ ਸਵੇਰ ਦਾ ਸਾਲਾਨਾ ਸਮਾਗਮ 9 ਫਰਵਰੀ ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ               ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਹੀਂ ਰਹੇ              

ਮਿੱਟੀ ਨਾਲੋਂ ਟੁੱਟ ਕੇ - ਬਲਜਿੰਦਰ ਮਾਨ

Posted on:- 10-09-2014



ਮਿੱਟੀ ਨਾਲੋਂ ਟੁੱਟ ਕੇ ਸਾਡਾ, ਹੋਇਆ ਮੰਦੜਾ ਹਾਲ ਜੀ।
ਮਿੱਟੀ ਜਣਦੀ ਮਿੱਟੀ ਪਾਲ਼ੇ, ਕਰੇ ਮਿੱਟੀ ਖੁਸ਼ਹਾਲ ਜੀ।

ਸੁੱਖ ਸਹੂਲਤਾਂ ਸਿਹਤ ਅਸਾਡੀ, ਬਣ ਬੈਠੀ ਜੰਜਾਲ ਜੀ।
ਆਪੋ ਧਾਪੀ ਵਿਚ ਗੁਆਚੇ, ਭੁੱਲ ਗਏ ਮਿੱਟੀ ਲਾਲ ਜੀ।

ਸਮੇਂ ਨਾਲ ਇਹ ਬਦਲੀ ਦੁਨੀਆ, ਬਦਲੇ ਸਭ ਖਿਆਲ ਜੀ।
ਸਮੇਂ ਸਿਰ ਨਾ ਆਉਂਦੀ ਗਰਮੀ,ਨਾ ਆਵੇ ਰੁੱਤ ਸਿਆਲ਼ ਜੀ

ਸਿਹਤ ਸਕੀਰੀ ਢਲ਼ ਗਈ ਸਾਰੀ,ਪਰੋਸ ਨਾ ਹੋਵਣ ਥਾਲ ਜੀ।
ਖੇਤੀ ਬੰਨੇ ਵੱਢੇ ਰੁੱਖ ਜੋ, ਪੁੱਛਦੇ ਇਹੋ ਸਵਾਲ ਜੀ।

ਤੜਫੇ ਹਵਾ ਤੇ ਪਾਣੀ ਰੋਵੇ, ਲਾਓ ਰੁੱਖਾਂ ਦੀ ਪਾਲ਼ ਜੀ।
ਜੀਵਨ ਨੂੰ ਸਵਰਗ ਬਣਾਈਏ, ਜੁੜਕੇ ਮਿੱਟੀ ਨਾਲ਼ ਜੀ।

ਨੰਗੇ ਪੈਰੀਂ ਤੁਰਕੇ ਦੇਖੋ, ਮੁੱਖੜਾ ਹੋਏ ਜਲਾਲ ਜੀ।
ਜੇ ਕੁਦਰਤ ਦੇ ਸਾਥੀ ਬਣੀਏ,ਜੀਵਨ ਹੋਏ ਸੁਰ-ਤਾਲ ਜੀ।

ਮਿੱਟੀ ,ਪਾਣੀ ਜੇ ਸ਼ੁੱਧ ਰੱਖੀਏ, ਹੋਈਏ ਮਾਲੋ ਮਾਲ ਜੀ।
ਹੜ ਸੋਕੇ ਤੇ ਹੋਰ ਆਫਤਾਂ, ਫਿਰ ਨਾ ਕਰਨ ਬੇਹਾਲ ਜੀ।

ਮਿੱਟੀ ਮਾਂ ਵੱਲ ਪਿੱਠ ਨਾ ਮੋੜੋ, ਛਿੜਕੋ ਰੰਗ ਗੁਲਾਲ ਜੀ।
ਵਾਂਗ ਮਿੱਟੀ ਖੂਸ਼ਬੋਆਂ ਵੰਡਕੇ, ਪੈਦਾ ਕਰੋ ਮਿਸਾਲ ਜੀ।
‘ਮਾਨ’ ਜਿਹੇ ਨਾ ਮੂਰਖ ਬਣੀਏ, ਇਹ ਕਰੀਏ ਸਾਲੋ ਸਾਲ ਜੀ।
        
ਸੰਪਰਕ: +91 98150 18947

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ