Sun, 22 September 2019
Your Visitor Number :-   1809441
SuhisaverSuhisaver Suhisaver
ਕਪੂਰਥਲਾ ਪੁਲਿਸ ਜਾਂਚ ਦੇ ਬਹਾਨੇ ਪੱਤਰਕਾਰ ਅਮਨਦੀਪ ਹਾਂਸ ਨੂੰ ਪ੍ਰੇਸ਼ਾਨ ਕਰਨਾ ਬੰਦ ਕਰੇ               ਚਿਦੰਬਰਮ ਦੀ ਆਤਮ-ਸਮਰਪਣ ਦੀ ਪਟੀਸ਼ਨ ਖ਼ਾਰਜ              

ਗ਼ਜ਼ਲ - ਭੁਪਿੰਦਰ ਸਿੰਘ ਬੋਪਾਰਾਏ

Posted on:- 11-09-2015

suhisaver

ਜੀਵਨ ਵਿੱਚ ਹੋਣਾ ਹਰਦਮ ਵਿਸਤਾਰ ਜ਼ਰੂਰੀ ਐ
ਹਰ ਹਾਲਤ ਅਧਿਆਪਕ ਦਾ ਸਤਿਕਾਰ ਜ਼ਰੂਰੀ ਐ

ਵਾਘੇ  ਦੇ  ਦੋਹਾਂ  ਪਾਸੀਂ  ਵੱਸਦੇ  ਰਹਿਣ ਪੰਜਾਬੀ
ਸਾਂਝੀ  ਪਿਉ  ਦਾਦੇ  ਵਾਲੀ ਮਹਿਕਾਰ ਜ਼ਰੂਰੀ ਐ 

ਮੇਰੇ ਪਿੰਡ ਦੇ ਹਰ ਘਰ ਵਿੱਚ ਅਕਸਰ ਮੈਂ ਇਹ ਵੇਖਾਂ
ਰੋਜ਼  ਸਵੇਰੇ  ਚਾਹ  ਅਤੇ  ਅਖਬਾਰ  ਜ਼ਰੂਰੀ ਐ

ਧਰਮਾਂ ਵਾਲੇ ਫਿਰਦੇ ਚੁੱਕੀ ਤ੍ਰਿਸ਼ੂਲਾਂ,  ਤਲਵਾਰਾਂ
ਉਹਨਾਂ ਨੂੰ ਇਹ ਇਲਮ ਨਹੀਂ ਕਿ ਪਿਆਰ ਜ਼ਰੂਰੀ ਐ 

ਦਿਲ ਦੀ ਮਮਟੀ 'ਤੇ ਆਓ ਇੱਕ ਦੀਵਾ ਧਰ ਲਈਏ
ਨੇਰ੍ਹੇ ਮਿਟਾਵਣ  ਲਈ  ਇਹ  ਤਾਂ ਯਾਰ ਜ਼ਰੂਰੀ ਐ

ਝਲਕ ਸਦਾ ਤੂੰ ਤੱਕਣੀ ਜੇ ਮਾਂ ਦੇ ਚਿਹਰੇ ਵਰਗੀ
ਵਿਹੜੇ ਦੇ ਵਿੱਚ ਬੇਟੀ ਦੀ ਕਿਲਕਾਰ ਜ਼ਰੂਰੀ ਐ

'ਬੋਪਾਰਾਏ '  ਤਦ  ਹੀ  ਲੋਕਾਂ  ਬਾਰੇ  ਸੋਚੇ  ਇਹ
ਸਮੇਂ  ਸਮੇਂ  ਸਰਕਾਰਾਂ  ਨੂੰ  ਫਿਟਕਾਰ  ਜ਼ਰੂਰੀ ਐ

ਸੰਪਰਕ: +91 98550 91442

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ