Wed, 25 November 2020
Your Visitor Number :-   3062216
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਇਨਸਾਨੀਅਤ –ਜਸ਼ ਪੰਛੀ

Posted on:- 13-09-2016

suhisaver

ਮੰਦਿਰ, ਮਸਜਿਦ, ਗੁਰੁਦਵਾਰੇ ’ਚ ਲਾਈਨਾਂ ਲੰਬੀਆਂ ਲਗਦੀਆਂ ਨੇ
ਪੈਸੇ ਚੜਾਣੇ ਮੱਥੇ ਟੇਕਣੇ ਧਾਰਮਿਕ formality ਚੱਲਦੀਆਂ ਨੇ
ਜਿਸ ਨੂੰ ਲੋੜ ਨੀ ਪੈਸੇ ਦੀ ਦੁਨੀਆਂ ਓਹਦੇ ਖਜ਼ਾਨੇ ਭਰ ਗਈ ਏ
ਧਰਮ ਤਾਂ ਜਿਉਂਦੇ ਨੇ ਸੱਜਣਾ, ਬਸ ਇਨਸਾਨੀਅਤ ਮਰ ਗਈ ਏ

ਸੋਨਾ ਚਾਂਦੀ ਚੜੇ ਮੰਦਰਾ ਚ, ਮੂਰਤੀ ਚਮ ਚਮ ਕਰਦੀ ਆ
ਪੱਥਰ ਦੇ ਬੁੱਤ ਪੈਸਿਆਂ ਵਿੱਚ ਖੇਡੇ, ਦੁਨੀਆਂ ਭੁੱਖੀ ਮਰਦੀ ਆ
ਗ਼ਰੀਬ ਮੰਗੇ ਜੇ ਹੱਕ ਆਪਣਾ, ਓਹਦੇ ਚਪੇੜਾਂ ਧਰ ਗਈ ਏ
ਧਰਮ ਤਾਂ ਜਿਉਂਦੇ ਨੇ ਸੱਜਣਾ, ਬਸ ਇਨਸਾਨੀਅਤ ਮਰ ਗਈ ਏ

ਭੁੱਖਿਆਂ ਨੂੰ ਕੋਈ ਪੁੱਛਦਾ ਨਹੀਂ ਸਭ ਰੱਜਿਆਂ ਨੂੰ ਰਜਾਉਂਦੇ ਨੇ
ਘਰੇ ਮਾਪੇ ਭੁੱਖੇ ਮਰਦੇ ਨੇ, ਤੀਰਥਾਂ ’ਤੇ ਲੰਗਰ ਲਾਉਂਦੇ ਨੇ
ਸ਼ਰਧਾ ਦੇ ਵਿੱਚ ਅੰਨੀਂ ਹੋ ਕੇ ਅਕਲਾਂ ਨੂੰ ਥੋਥਾ ਕਰ ਗਈ ਏ
ਧਰਮ ਤਾਂ ਜਿਉਂਦੇ ਨੇ ਸੱਜਣਾ, ਬਸ ਇਨਸਾਨੀਅਤ ਮਰ ਗਈ ਏ

ਬੇਅਦਬੀ ਹੁੰਦੀ ਅੰਨ ਦੀ ਜਦੋਂ ਵਿੱਚ ਪੈਰਾਂ ਦੇ ਰੁਲਦਾ ਏ
ਅੱਧਾ ਜੂਠਾ ਜਾਂਦਾ ਲੰਗਰ ਤੇ ਵਿੱਚ ਨਾਲੀਆਂ ਡੁੱਲਦਾ ਏ
ਲੋੜਵੰਦ ਦੇ ਕੰਮ ਨਹੀਂ ਆਉਂਦੀ, ਦੌਲਤ ਵਿੱਚ ਗੋਲਕਾਂ ਸੜ ਗਈ ਏ
ਧਰਮ ਤਾਂ ਜਿਉਂਦੇ ਨੇ ਸੱਜਣਾ, ਬਸ ਇਨਸਾਨੀਅਤ ਮਰ ਗਈ ਏ

ਸਭ ਤੋਂ ਵੱਡਾ ਗਿਆਨ ਹੁੰਦਾ ਜੋ, ਸਿੱਧੇ ਰਾਹ ’ਤੇ ਪਾ ਦੇਵੇ
ਦਰ ਦਰ ਭਟਕਦੇ ਲੋਕਾਂ ਨੂੰ , ਸੱਚ ਦੇ ਨਾਲ ਮਿਲਾ ਦੇਵੇ
ਸਮਝੇ ਨਾ ਵਿਗਿਆਨ  "ਪੰਛੀ", ਦੁਨੀਆ PHD ਪਖੰਡ ’ਤੇ ਕਰ ਗਈ ਏ
ਧਰਮ ਤਾਂ ਜਿਉਂਦੇ ਨੇ ਸੱਜਣਾ, ਬਸ ਇਨਸਾਨੀਅਤ ਮਰ ਗਈ ਏ

ਸੰਪਰਕ: +91 94638 50127

Comments

aman

true & really very nice poem

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ